ސޫރިޔާގެ ކުރީގެ ފަސްޓް ލޭޑީ އަސްމާ ފަވާޒް އަލް އަސަދު ވަރިވާން ކޯޓަށް ހުށަހަޅައިފިކަމަށް މީޑިޔާތަކުން ރިޕޯޓްކޮށްފިއެވެ. ޚަބަރުތައް ބުނާގޮތުގައި އޭނާ ވަރިވާން ކުށަހެޅީ ރަޝިޔާގެ ކޯޓަކަށެވެ.

އަސްމާ އަކީ ސޫރިޔާގެ ކުރީގެ ރައީސް ބައްޝާރުލް އަސަދުގެ އަނބިކަނބަލުންނެވެ. 8 ޑިސެމްބަރު 2024 ގައި ސޫރިޔާގެ ހަނގުރާމަވެރިން ބައްޝާރުގެ ސަރުކާރު ވައްޓާލުމާއެކު ރަޝިޔާއިން ހިމާޔަތް ހޯއްދަވައިގެން އާއިލާ އާއެކު ވަނީ ރަޝީޔާއަށް ގޮސްފައެވެ. އަސްމާ މިހާރު ބޭނުންވަނީ ބައްޝާރުލް އަސަދުގެ ކައިރިން ވަރިވުމަށް ފަހު، އެނބުރި އިނގިރޭސި ވިލާތަށް ދިރިއުޅުން ބަދަލުކުރާށެވެ. ކެޔޮގަނޑު ކަނޑާލީމާ ދެން ގަހުގެ ބޭނުމެއް ނޯންނާނެއެވެ.

އަސްމާ އުފަންވެވަޑައިގަތީ 11 އޮގަސްޓް 1975 ގައެވެ. ކައިވެނިބައްލަވައިގަތީ 13 ޑިސެމްބަރ 2000 ވަނަ އަހަރުއެވެ. އަސްމާ އަކީ ވަރަށް ތަޢުލީމީ ބޭފުޅެކެވެ. ކޮމްޕިއުޓަރ ސައިންސާއި، ފަރަންސޭސި ބަހުން ފުރަތަމަ ޑިގްރީ ހާސިލުކުރައްވާފައި ވެއެވެ. އިންވެސްޓްމަންޓް ބޭންކިންގެ ދާއިރާއިން ކުރިއަށްދާން ޝައުޤުވެރިވާތީ، ހާވަޑް ޔުނިވަރސިޓީން އެމްބީއޭ ކިޔަވާވިދާޅުވާން ފެއްޓެވިއެވެ. އެހެން ނަމަވެސް ބައްޝާރުލް އަސަދު ދެކެ ލޯބިވެވި، ކިޔެވުން ހުއްޓާލުމަށް ފަހު، ކާވެނިބައްލަވައިގަތެވެ.

ޚަބަރުތައް ލިބޭގޮތުގައި ބައްޝާރުލް އަސަދަށް މިހާރު ދެން އަސްމާ ވަރުކުރެއްވުން ނޫންގޮތެއް ވެސް ނެތެވެ. އަސްމާގެ މިވަންކަން ހިފަހައްޓައިފިނަމަ އިތުރު ފިއްތުންތަކާ ކުރިމަތިވެ، ރަޝިޔާގައި ހުރުމަށް ބުރޫއަރާފާނެއެވެ. އެހެން ކަމުން ބެލެވޭގޮތުގައި ވަރީގެ މައްސަލަ ވަރަށް އަަވަހަށް ނިމިގެންދާނެއެވެ. އަދި އަސްމާ ބޭނުންފުޅުވާ ގޮތަށް ދިރިއުޅުން ލަންޑަނަށް ބަދަލުކުރައްވާނެއެވެ.