ގަލޮޅު ރަސްމީ ފުޓްބޯޅަ ދަނޑުގައި ކުޅެވުނު ގޯލްޑް ކަޕް ފައިނަލް މެޗުގައި މިރޭ ބައްދަލުކުރީ ބ. އޭދަފުށި (ބުރެޒިލް) އާއި އައްޑޫ ސިޓީ ( އިނގިރޭސި ވިލާތް) އެވެ. މި މެޗް އޭދަފުށިން ކާމިޔާބުކުރީ 2 – 0 ގެ ނަތީޖާއަކުންނެވެ.
މެޗްގެ ފުރަތަމަ ލަނޑު އޭދަފުއްޓަށް ކާމިޔާބުކޮށްދިނީ ފުރަތަމަ ހާފުގެ 39 ވަނަ މިނެޓްގައި މުޙައްމަދު ފާސިރުއެވެ. އޭދަފުއްޓަށް ލިބުނު ކޯނަރަކުން ވަރަށް ރީތިކޮށް ބޮލުން ފޮނުވާލި ހަމަލާ ގޯލުގެ ތެރެއަށް ވަދެ ލީޑު ލިބިގެންދިޔައެވެ.
ދެވަނަ ލަނޑު އޭދަފުއްޓަށް ކާމިޔާބު ކޮށްދިނީ މެޗްގެ ފަހު ހާފުގެ 90 ވަނަ މިނެޓްގައި އަލީ ފާސިރު (ސެންޓޭ) އެވެ. އައްޑޫ ސިޓީގެ ޑިފެންޑަރުން ކައިރިން ކަޓުވާލުމަށް ފަހު ގޯލަށް ފޮނުވާލި ބޯޅަ ގޯލުގެ ތެރެއަށް ވަދެ އެ ޓީމުގެ ދެވަނަ ލަނޑު ކާމިޔާބު ކުރިއެވެ.
އައްޑޫ ޓީމަށް ވެސް ލަނޑު ޖަހާނެ ފުރުސަތުތަކެއް ލިބި ބޭކާރުވެގެން ދިޔައެވެ. ފަހު ހާފުގައި ބޮންޑާއަށް ވެސް ވަރަށް ހުސް ފުރުސަތެއް ލިބި، ގޯލެއް ކާމިޔާބުކުރެވޭ ގޮތެއް ނުވިއެވެ.
މިރޭގެ މެޗް ބަލަން ދެ ޓީމުގެ ގިނަ އަދަދެއްގެ ސަޕޯޓަރުން ގަލޮޅު ދަނޑަށް ވަދެފައިވެއެވެ. މިއީ ފަހުގެ ތާރީޚެއްގައި މެޗެއް ބަލަން ގަލޮޅު ދަނޑަށް އެންމެ ގިނަ މީހުން ވަތް ރެއެވެ. މި މެޗްގެ ޝަރަފުވެރި މެހެމާނަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެވެ.
One Reply to “އިނގިރޭސި ވިލާތް ބަލިކޮށް ގޯލްޑް ކަޕް ޗެމްޕިއަންކަން ބުރެޒިލް ކާމިޔާބުކޮށްފި.”
Hassan nihad
Dhogu vaa noon Brazil dhidha hifaagan honihiru baeapan team ulhanee kee tha vaanee dhivehi dhidha hifaan hurea yaa
މި ލިޔުމަށް 48 ގަޑިއިރު ހަމަވެފައި