ހުޅުމާލޭގައި ހުންނަ ސިޕްކޯ ފުލެޓް އިމާރާތުގެ އެޕާޓްމަންޓެއްގައި ރޭގައި ކްރިސްމަސް ޕާޓީއެއް ބާއްވައި، ނަޞާރާ ދީނުގެ އެންމެ ބޮޑު އީދު ފާހަގަކޮށްފިއެވެ.
ސިޕްކޯ އިމާރާތުގައި ދިރިއުޅޭ ބައެއް އާއިލާތަކުން ބުނިގޮތުގައި ގިނަ އަދަދެއްގެ މީހުން އެއްވެ ލަވަޖަހާ ވަލަކިޔާ ނަށާ މަޖާކުރާ އަޑުގަދަކަމުން އުނދަގޫ ވެސް ވާވަރުވި ކަމަށެވެ. އަދި އެޕާޓްމަންޓްގެ ދޮރުފަތާއި ފާރުތަކުގެ ކްރިސްމަސް ދުވަހަށްޓަކައި މާފަތި އެލުވައި ޒީނަތްތެރި ކޮށްފައި ވާކަމަށެވެ.
ރޭގައި ނަޞާރާ ދީނުގެ އީދު ފާހަގަކުރީ ދިވެހީންކަމެއް ބިދޭސީންތަކެއް ކަމެއް ޔަޤީނެއް ނުވެއެވެ. އެހެން ނަމަވެސް ނޫހަށް މަޢުލޫމާތު ދިންގޮތުގައި އެތަންތަނަކީ ތިންވަނަ ފަރާތަކަށް ކުއްޔަށް ދިނުން މުޅިން މަނާ ތަނަކަށް ވާތީ، އެއީ ބިދޭސީންތަކެއް ކަމަށް ޤަބޫލުކުރަން ދަތިކަމަށެވެ.
މިކަމެއް ހިނގާފައި މިވަނީ އެހެން ދީންތަކުުގެ އީދުތައް ފާހަގަ ނުކުރުމަށް އިސްލާމިކް މިނިސްޓްރީން ހަނދާންކޮށްދީފައި ވަނިކޮށެވެ.
