ރާއްޖޭގައި ބޭއްވޭ އެންމެ ބޮޑު ފުޓްސަލް މުބާރާތުގެ ށ. އަތޮޅު ރައުންޑްގެ މެޗްތައް ފެށިގެން ކުރިއަށް އެބަދެއެވެ. އެ މުބާރާތުގައި ށ. އަތޮޅުން ވެސް ގިނަ ޓީމުތަކެއް ވަނީ ބައިވެރިވެފައެވެ.

މިހާތަނަށް ކުޅެވުނު މެޗްތަކުގެ ނަތީޖާތަކަށް ބަލާއިރު، މިލަންދޫއިން ވަނީ 3-2 ން ޅައިމަގުގެ މައްޗަށް ކުރިހޯދާ، ފޭދޫގެ މައްޗަށް 2-1 ގެ ނަތީޖާއަކުން ކުރިހީދާފައެވެ. ބިލެތްފަހިން ވަނީ 2-1 ގެ ނަތީޖާއަކުން ގޮއިދޫގެ މައްޗަށް ކުރިހޯދާފައެވެ. ކަނޑިތީމުން ވަނީ 1-0 ގެ ނަތީޖާއަކުން މަރޮށީގެ މައްޗަށް ކުރިހޯދާފައެވެ. ނަރުދޫއިން ވަނީ 3-2 ގެ ނަތީޖާއަކުން ޅައިމަގުގެ މައްޗަށް ކުރިހޯދާފައެވެ.

ށ. އަތޮޅުގައި ފުޓްބޯޅައިގާ ގަދަބާރެއް ކަމަށްވާ ފޯއިދޫއިން މިއަހަރުގެ ގޯލްޑަން ފުޓްސަލް ޗެލެންޖުގައި ބައިވެރިވެފައެއް ނުވެއެވެ. ޚަބަރުތައް ލިބޭގޮތުގައި އެ ޓީމަށް ދިމާވެފައިވާ އިދާރީ މައްސަލަތައް ވަރަށް އަވަހަށް ޙައްލުކުރާނެއެވެ.