އިންޑިޔާގެ މަޝްހޫރު ދެ ތަރިން ކަމަށްވާ ސަލްމާން ޚާން އާއި ތަމަންނާ ބާޓިޔާއާ ދެމެދު އޮންނަނީ ވަރަށް އާދަޔާ ޚިލާފު ގާތް ގުޅުމެއް ކަމަށާއި، ދެމީހުން ރައްޓެހިވެގެން އުޅޭހެން ވެސް ހީވާކަމަށް ބައެއް ނޫސްތަކުގައި ރިޕޯޓުކޮށްފިއެވެ.
އުމުރުން 59 އަހަރުގެ ސަލްމާން ޚާންއަކީ ބޮލީވުޑްގެ އެންމެ ބޮޑު އެއް ތަރިކަމުގައި ވީ ނަމަވެސް އޭނާ އަދި އަލަށް ވެސް މީހަކާ ކާވެނިކޮށްފައެއް ނުވެއެވެ. ގިނަ ބަޔަކު ބުނާގޮތުގައި އައިޝްވާރިޔާ ރާއީ ރުޅިވުމުން އެކަމުގެ ހިތާމައިގާ ސަލްމާން އަދިވެސް ހުރީ ހުސްހަށިބައިކޮށެވެ. އޭނާއަށް ކަމުދާ ހަމަ އެއްވެސް އަންހެނެއް އަދި ނުފެނެއެވެ. ބޮލީވުޑްގެ އެންމެ ރީތި އަންހެން ކުދިން އޭނާއަށް ލޯބި ހުށަހެޅިއެވެ. މިސާލަކަށް ކަރިޝްމާއެވެ. ކެޓްރީނާ ކައިފްއެވެ.
މިފަހަރުގެ އަޑުތައް ތަފާތު ވެދާނެބާއެވެ. ރަށި ރީތިކަމަށް ނަން މަޝްހޫރު ތަމަންނާ ބާޓިޔާއެވެ. ސަލްމާންގެ ފާމްހައުސްގައި އެކަހެރި ވަގުތު ހޭދަކޮށްލެވޭ ހަމަ އެކަނި އަންހެން ކުއްޖާއެވެ. ލޯބީގެ ގޮތުން ގުޅިއްޖެ ނަމަ ވަރަށް ގުޅޭ ޖޯޑަކަށް ވާނެކަން ޔަޤީނެވެ. އެހެން ނަމަވެސް ސަލްމާނަށް އޭނާ ވެސް ކަމުދާނެބާއެވެ.
