ގޯލްޑަން ފުޓްސަލް ޗެލެންޖު-2025 ގައި ށ. އަތޮޅުގެ ޗެމްޕިއަންކަން މިލަންދޫން ކާމިޔާބުކޮށްފިއެވެ.

ށ. އަތޮޅުގެ ޗެމްޕިއަން ކަނޑައެޅުމަށް މިއަދު ހަވީރު 16:00 ގައި ހުޅުމާލޭ ފުޓްސަލް ދަނޑުގައި ކުޅުނު ފައިނަލް މެޗުގައި ބައްދަލުކުރީ މިލަންދޫ އާއި ކަނޑިތީމެވެ. މި މެޗުގެ ފުރިހަމަ ވަގުތު ހަމަވިއިރު 1-1 ން އެއްވަރުވެފައި ވާތީ، ނަތީޖާ ނެރުނީ ޕެނަލްޓީ ޖަހައިގެންނެވެ.

ޕެނަލްޓީ ޖަހައިގެން ށ. އަތޮޅުގެ ފުޓްސަލް ޗެމްޕިއަންކަން މިލަންދޫން ކާމިޔާބުކުރީ 4-2 ގެ ނަތީޖާއަކުންނެވެ. މިލަންދޫއާ ދެކޮޅަށް ކުޅުނު ކަނޑިތީމަކީ ވޭތުވެދިޔަ ފުޓްސަލް ޗެލެންޖުގައި ށ. އަތޮޅުގެ ޗެމްޕިއަން ޓީމެވެ. އެހެންކަމުން ޗެމްޕިއަންކަން ދިފާއުކުރުމުގެ ފުރުޞަތު މިވަނީ އެޓީމަށް ގެއްލިފައެވެ.

ފައިނަލް މެޗުގެ މޮޅު ކުޅުންތެރިޔަކަށް ހޮވިފައިވަނީ މިލަންދޫ ޓީމުގެ ގޯލްކީޕަރު އަޙްމަދު ހުޝާމުއެވެ. އަތޮޅުގެ އެންމެ މޮޅު ކުޅުންތެރިޔާ އަދި އެންމެ ގިނަ ގޯލުޖެހި ކުޅުންތެރިޔަކަށް ހޮވިފައިވަނީ މިލަންދޫ ޓީމުގެ ޖާޒީ ނަންބަރު 30 އަޙްމަދު ޝާނީއެވެ.

މަރުޙަބާ، މިލަންދޫ!