ހަށިހެޔޮކަމާ ރީތިކަމަށް ބޮލީވުޑްގައި މަޝްހޫރު ފިލްމީ ތަރި ޝިލްޕާ ޝެޓީ ރާއްޖެ އައުމުން މިނިސްޓަރ ފައިސަލް މަރުޙަބާ ދަންނަވައިފިއެވެ.

ޝިލްޕާ ޝެޓީ ރާއްޖެއަށް އައީ އާއިލާއާއެކު ޗުއްޓީ ހޭދަކޮށްލުމަށެވެ. އޭނާއަކީ ދިވެހިރާއްޖެ ދެކެ ވަރަށް ލޯބިވާ އިންޑިޔާގެ ފިލްމީ ތަރިއެކެވެ. ގާތްގަނޑަކަށް ކޮންމެ އަަހަރެއްގައި ކަހަލަ ގޮތަކަށް ޝިލްޕާ ޝެެޓީ ރާއްޖެ އާދެއެވެ. ދާދި ފަހުން ރައީސް ޑރ. މުޢިއްޒު އިންޑިޔާއަށް ކުރެއްވި ފުރަމާނަ ދަތުރުފުޅުގައި ވެސް ޝިލްޕާ ޝެޓީއާ ބައްދަލުކުރައްވައި، އެކުގައި ވަގުތުކޮޅެއް ހޭދަކުރެއްވުމުގެ އިތުރުން ފޮޓޯ ނަންގަވާ ހެއްދެވިއެވެ. އަދި ރާއްޖޭގެ ރީތިކަމަށް ތަޢުރީފުކޮށް ޝިލްޕާ އިންޓަވިއުއެއް ދެއްވާފައި ވެއެވެ.

އެ ދަތުރުފުޅުގައި މިނިސްޓަރ ފައިސަލް ވެސް ބައިވެރިވެވަޑައިގަތެވެ. އެެހެންކަމުން މިނިސްޓަރ ފައިސަލް ވެސް ވަނީ ޝިލްޕާ ޝެޓީއާ ބައްދަލުކުރައްވައި ރާއްޖެ އިޝްތިހާރުކޮށްދެއްވުމަށް އެދިވަޑައިގެންފައެވެ. އެހެންކަމުން މަރުޙަބާ ވިދާޅުވުމަށް ފަހު ލިޔުއްވާފައި ވަނީ އަނެއްކާ ވެސް ބައްދަލުވީތީ ވަރަށް އުފާވެއްޖެ ކަމަށެވެ. އަދި ރާއްޖޭގައި ހިތްހަމަޖެހޭ އުފާވެރި ޗުއްޓީއެއް ލިބުމަށް އުންމީދުކުރައްވާކަމަށް ވިދާޅުވެފައި ވެއެވެ.