ޕީއެންސީ ސަރުކާރުގެ މޫނުމަތި އޮމާންކުރަން އެންމެ ބާރަށް ފަލިޖައްސަވާ އެއް ބޭފުޅެއް ކަމަށްވާ ފުނަދޫ ދާއިރާގެ ޢިއްޒަތްތެރި މެމްބަރު މުޙައްމަދު މަމްދޫހު (މަންޑޭ) އަށް ރައްދުދީ ރަކިކޮށްލީ މާއުނގޫދޫ އަންހެނެކެވެ.
ޚާއްސަ އެހީއަށް ބޭނުންވާ ކުއްޖެއްގެ ބައްޕަ “ސިޔާސީ” ސަބަބުތަކަށްޓަކައި އެމްޓީސީސީގެ ވަޒީފާއިން ވަކި ކުރުމުން ފުނަދޫ ދާއިރާގެ ޕީއެންސީ މެންބަރު މުހައްމަދު މަމްދޫހުއާ ކުރިމަތިލީ ވަޒީފާއިން ވަކިކުރި މީހާގެ އަނބިމީހާއެވެ. ދޫހެލޭ އެ އަންހެން މީހާގެ ކުރިމަތީ މަންޑޭއަށް ޖެހުނީ އަމާންދީ ހަތިޔާރު ބަހައްޓާށެވެ.
ސޯޝަލް މީޑިއާގައި ދައުރުވަމުންދާ ވީޑިއޯއިން ފެންނަ ގޮތުގައި އޯޓިޒަމް ހުންނަ ކުއްޖަކާއި ހަތަރު މަސް ނުފުރޭ ތުއްތު ކުއްޖަކު ގޮވައިގެން އެ އަންހެން މީހާ މަމްދޫހުއާ ކުރިމަތިލަމުން އެ އަންހެން މީހާ ބުނީ އޭނާގެ ފިރިމީހާ ވަޒީފާއިން ވަކިކުރީ ސީދާ އެމްޕީ މަމްދޫހު އަންގަވައިގެން ކަމަށާއި، އަދި އެއީ ވެސް ކޮންޓްރެކްޓު އައުކުރިތާ ހަފްތާއެއް ނުވަނީސް ކަމަށާއި، އެއީ އަނިޔާވެރިކަމުގެ ވެސް އިންތިހާ ކަމަށެވެ. ޖަވާބުގައި މަންޑޭއަށް ވިދާޅުވާނެ ހަމަ އެއްވެސް އެއްޗެއް ނޭނގުނެވެ.
