ދިވެހިރާއްޖޭގެ ފަތުރުވެރިކަމާބެހޭ ވަޒީރު ކަމުން އިބްރާހިމް ފައިސަލް ވަކިކުރެއްވީ އެމަނިކުފާނު ވިދާޅުވިފަދައިން ވާހަކަދެއްކުމުގެ ފެންވަރު ރަނގަޅު ކުރުމަށްޓަކައި 6 މަސްދުވަހުގެ އިނގިރޭސި ކޯސް ފުރިހަމަކުރެއްވި ފަހުންނެވެ.
މިއަދު ކުއްލިގޮތަކަށް އެމަނިކުފާނުގެ މަޤާމުން ވަކިކުރައްވާފައިވަނީ ކޮން ސަބަބަކާ ހުރެ ކަމެއް އަދު ސާފެއް ނުވެއެވެ. އެހެން ނަމަވެސް ބައެއް ފަރާތްތަކުން ތުހުމަތުކުރާ ގޮތުގައި ފައިސަލް މަޤާމުން ވަކިކުރެއްވީ ޝިލްޕާ ޝެޓީއާ ގުޅޭ ކަމެއްގައެވެ.
ބައެއް މީހުން ބުނާގޮތުގައި ރައީސުލްޖުމްހޫރިއްޔާ އާއި މަޖިލިސްގެ ރައީސް އާއި ދެމެދު ނުތަނަވަސްކަމެއް ވަނީ އުފެދިފައެވެ. އެހެންނަމަވެސް ފައިސަލް ވަކިކުރުމުގައި އޮތީ މުޅިން އެހެން ސަބަބެއް ކަމަށެވެ. އެއީ މެޑަމް ސާޖިދާގެ ދަޢުވަތަކަށް ޝިލްޕާ ޝެޓީ ރާއްޖެ އައުމުން އަންގާވެސް ނުލާ ފައިސަލް އެކަން ނިންމާލުމުން ކަމަށެވެ.
ޝިލްޕާ ޝެޓީ ރާއްޖެ އައުމުން މިނިސްޓަރ ފައިސަލް ވަނީ މަރުޙަބާ ކިޔާ ހަދިޔާ ބަދަލުކޮށްފައެވެ. މެޑަމް ސާޖިދާއަށް މިކަމުގެ މަޢުލޫމާތު ލިބިވަޑައިގަތީ ނޫސްތަކުން ކަމަށް ވެއެވެ.
