ރ. އުނގޫފާރުން ފުރައިގެން 15 މީހުންނާއެކު މިލަންދޫއަށް ދަތުރުކުރަމުންދިޔަ ލޯންޗެއް މިގޫދޫ ކައިރިން ކަނޑަށް ބަންޑުންޖަހާލައިފި އެވެ.
މިލައުތުރަށް މައުލޫމާތު ލިބިފައިވާ ގޮތުގައި އެއްވެސް މީހެއްގެ ފުރާނައަށް ގެއްލުމެއް ލިބިފައިނުވި ނަަމަވެސް ބައެއް މީހުންނަށް އެކިވަރުގެ ކުދި އަނިޔާތައް ލިބިފައި ވެއެވެ.
މަޢުލޫމާތު ލިބޭގޮތުގައި ލޯންޗު ބަންޑުންޖަހާލީ ގަދަވެގެން ނޫންކަމަށާއި، ހަމަ ރީތިކޮށް ދަތުރުކޮށްފައި ދަނިކޮށް އަޑިއަށް ދާންފެށީކަމަށާއި، އެއާ އެކު އަރިއަޅާލައި އެއްކޮށް ބަންޑުންޖަހާލީ ކަމަށެވެ.
އަދި އެ ލޯންޗުގައި ކުޑަކުދިން ވެސް ތިބިކަމަށާއި، ކޮންމެވެސް ވަރަކަށް ލޮނުބޮވިގެން އަސަަރުކޮށްފައި ވެއެވެ. ލޯންޗުން ދަތުރުކުރި އެންމެން ވެސް ސަލާމަތްކޮށްގެން މިހާރު ވަނީ މިލަންދޫއަށް ގެންގޮސްފައެވެ.
ލޯންޗު ސަލާމަތްކުރުމުގެ މަސައްކަތް މިލަންދޫ ފެނަކަ އާއި ގުޅިގެން ކުރަމުންދާކަމަށް މިލަންދޫން ވާހަކަދެއްކި މީހަކު ވަނީ ކަށަވަރުކޮށްދީފައެވެ.
