މިލައުތުރު

ލަނޑު ޖެހުމަށް ފަހު ކުރިސްޓިއާނޯ ރޮނާލްޑޯ އުފާފާޅުކުރާ ގޮތަށް އުފާފާޅުކުރުން އާޖެންޓީނާގައި މަނާކޮށްފި.

ޕޯޗުގަލްގެ ޕުޓްބޯޅަ ތަރި ކްރިސްޓިއާނޯގެ ޚާއްސަ ގޯލް ސެލެބްރޭޝަން“ސޫއޫއޫ“ އާޖެންޓީނާގައި މަނާކޮށްފިއެވެ. އެހެންކަމުން އާޖެންޓީގައި އޮންނަ އެއްވެސް މުބާރާތެއްގައި އެގޮތަށް އުފާފާޅުކުރުމަކީ މިހާރު މަނާކަމެކެވެ.

އެކަން ޔަޤީންވާ ގޮތަކީ އާޖެންޓައިން ލީގުގެ މެޗެއްގައި ކުޅުންތެރިޔަކު ލަނޑުޖެހުމަށް ފަހު، ރޮނާލްޑޯ ސެލެބްރޭޓް ކުރާގޮތަށް ސެލެބްރޭޓް ކުރުމުން ވަނީ ރީނދޫ ކާޑެއް ދައްކާފައެވެ.

އާޖެންޓީނާގެ މެސީއަކީ ކްރިސްޓިއާނޯ ރޮނާލްޑޯގެ އެންމެ ބޮޑު ވާދަވެރިޔާއެވެ. އެ ދެމީހުންގެ ދެމެދުގައި އެއްވެސް އަރާރުމެއް ހިނގާފައި ނުވިކަމުގައި ވިޔަސް ދެމީހުންގެ ސަޕޯޓަރުންގެ ވާދަވެރިކަން އިންތިހާއަށް ބޮޑެވެ.

އެއްބަޔަކު ދެކޭގޮތުގައި ދުނިޔޭގެ އެންމެ މޮޅު ފުޓްބޯޅަ ކުޅުންތެރިޔައީ ލިއޯ މެސީއެވެ. އަނެއް ބަޔަކު ދެކޭގޮތުގައި ދުނިޔޭގެ އެންމެ މޮޅު ފުޓްބޯޅަ ކުޅުންތެރިޔަކީ ކްރިސްޓިއާނޯ ރޮނާލްޑޯއެވެ.