ފަލަސްތީނުގެ ބިންތަކަށް ގަދަކަމުން އަރައި އިސްރާއީލުން ދެމުންގެންދާ ހަމަލާތައް ވަރުގަދަކުރާނެ ކަމަށް އިސްރާއީލުން ބުނެފިއެވެ.

އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވަނީ އަންނަ ހޮނިހިރު ދުވަހުގެ މެންދުރުގެ ކުރިން ޣައްޒާގައި ބަންދުކޮށްފައި ތިބި އިސްރާއީލުގެ އަސީރުން ދޫކޮށްނުލައިފިނަމަ އަލުން ”ގަދަ ހަނގުރާމައެއް“ ފަށާނެ ކަމުގެ އިންޒާރު ދީފަ އެވެ.

ނަތަންޔާ މިހެން ބުނީ އޭނާގެ ހަނގުރާމަވެރިން ސުލްހައިގެ މި ދަނޑިވަޅުގައިވެސް ޣައްޒާގައި މީހުން މަރަމުންދާތީ ހަމާސް އިން އަސީރުން ދޫކޮށްލުން މަޑުޖައްސާލަން ނިންމުމުންނެވެ.

ހަމާސްގެ ހަތިޔާރު އެޅި ވިންގް – ގައްސާމް ބްރިގޭޑްސްގެ ތަރުޖަމާނު އަބޫ އޮބެއިދާ ހޯމަ ދުވަހު ނެރުނު ބަޔާނެއްގައި ވިދާޅުވީ އަސީރުން ”ހިސޯރުކުރާ ފަރާތުން ވާޖިބުތަކަށް އަމަލުކޮށް، ރިޓްރޯއެކްޓިވްކޮށް ބަދަލު ދޭންދެން“ އަސީރުން ތިބޭނެ ކަމަށެވެ.

އިސްރާއީލާއި ހަމާސް ތިބީ ހަ ހަފްތާގެ ހަނގުރާމަ ހުއްޓާލުމުގެ އެއްބަސްވުމަކަށް އަމަލުކޮށްގެންނެވެ. އެ މުއްދަތުގައި ހަމާސް އިން ދަނީ 2023 ވަނަ އަހަރުގެ އޮކްޓޯބަރު މަހުގެ ހަތް ވަނަ ދުވަހު ފެށި ހަނގުރާމައިގައި ހައްޔަރުކުރި އިސްރާއީލުގެ އަސީރުން ދޫކޮށްލުމަށް ތައްޔާރަށެވެ. އަދި އެކަން ކުރަނީ ބަދަލުގައި ގާތްގަނޑަކަށް 2،000 ފަލަސްތީނުގެ ގައިދީންގެ މިނިވަންކުރާނެ ކަމަށް އިސްރާއީލުން ބުނުމުންނެވެ.

އިސްރާއީލުން ޣައްޒާއާ ދެކޮޅަށް ކުރި ހަނގުރާމައިގައި 48،219 މީހުން މަރުވެ 111،665 މީހުން ޒަޚަމްވެފައިވާ ކަމަށް އެގައުމުގެ ހެލްތު މިނިސްޓްރީން ބުނެ އެވެ.

ޣައްޒާގެ ސަރުކާރުގެ މީޑިއާ އޮފީހުން ރިޕޯޓުކުރާގޮތުގައި ގެއްލިފައިވާ އެތައް ހާސް ބަޔަކު މިހާރު މަރުވެފައިވާ ކަމަށް ބެލެވޭ ކަމަށް ނިންމާފައިވާއިރު މަރުވި މީހުންގެ އަދަދު މިހާރު 61،709 އަށް އަރައެވެ. އޮކްޓޯބަރު 7، 2023 ގައި ދިން ހަމަލާތަކުގައި އިސްރާއީލުގައި 1،139 މީހުން މަރުވެ، 200 އަށް ވުރެ ގިނަ މީހުން ރަހީނުކޮށްފައި ވެއެވެ.