އައްޑޫއަށް ދިމާވެފައިވާ ކަރަންޓުގެ މައްސަލަ ހައްލުކުރަން އަނެއްކާވެސް އެ ސިޓީއަށް ޖެނެރޭޓަރެއް ފޮނުވަން ނިންމައިފިއެވެ.
ރާއްޖޭގެ ދެވަނައަށް އެންމެ ބޮޑު އާބާދީއެއް ދިރިއުޅެމުންދާ އައްޑޫގެ ގުޅިފައިވާ އަވަށްތަކުން ކަރަންޓް ކެނޑޭ މައްސަލަ ހައްލު ނުކުރެވި އޮންނަތާ އެތައް މަހެއް ވެފައިވާއިރު މިކަމާ ގުޅިގެން ގިނަ ރައްޔިތުންނެއް ދަނީ ކަންބޮޑުވުންތައް ފާޅުކުރަމުންނެވެ. އަދި ކަރަންޓުގެ މައްސަލަ ހައްލުކުރުމަށް ގޮވާލާ ބައެއް ރައްޔިތުން އިހުތިޖާޖަށްވެސް ނުކުމެފައިވާކަން ފާހަގަ ކުރެވެއެވެ.
މި ސިޓީ އަށް ކަރަންޓުގެ ހިދުމަތް ފޯރުކޮށްދޭ ފެނަކަ ކޯޕަރޭޝަނުން ބުނީ އައްޑޫއަށް މިފަހަރުވެސް ގެންދާނީ 1.8 މެގަވޮޓްޖެ ޖެން ސެޓެއް ކަމަށެވެ. މި ރޯދައިގެ ކުރިން ކަރަންޓް މައްދަސަ ހައްލު ކުރަން ވެސް 1.8 މެގަވޮޓްގެ ޖަނެރޭޓަރެއް ގެނެސް އިންސްޓޯލްކުރި ނަމަވެސް ކަރަންޓް ކެނޑޭ މައްސަލަ އަށް ހައްލެއް ނުލިބި، މި ރޯދަ މަހުގެ އެކި ވަގުތުތަކުގައި ގުޅިފައިވާ އަވަށްތަކުން ކަރަންޓު ކަނޑަމުންދާކަން ފާހަގަ ކުރެވެއެވެ.
ކަރަންޓުގެ މައްސަލަ އަށް ހައްލު ނުލިބޭތީ މިކަން ހައްލު ކުރުމަށް ކަމާބެހޭ އިދާރާތަކަށް ގޮވާލަން އައްޑޫ މޭޔަރު އިއްޔެވަނީ ސުލްހަވެރި އިހުތިޖާޖަކަށް ދާން ރައްޔިތުންނަށް ގޮވާލާފައެވެ. އެއާއެކު ފެނަކައިގެ އިސްވެރިންތަކެއް އައްޑޫއަށް ގޮސް މި ވަގުތުވެސް ހަރަކާތްތެރިވަމުންދާކަން ފާހަގަ ކުރެވެއެވެ.
ފެނަކައިގެ މެނޭޖިން ޑިރެކްޓަރ މުހައްމަދު ނަޖާހު ވިދާޅުވީ،ބމިމައްސަލަ ހައްލު ކުރުމަށް އަންނަ ހަފުތާ ތެރޭގައި އިތުރު ޖަނަރޭޓަރެއް އައްޑު ސިޓީއަށް ގެންދިއުމަށް މަސައްކަތް ކުރަމުން އަންނަ ކަމަށެވެ.
One Reply to “ކަރަންޓުގެ މައްސަލަ ހައްލުކުރަން އަނެއްކާވެސް އައްޑޫއަށް ޖަނަރޭޓަރެއް ފޮނުވަނީ”
އަލީ ޝަރީފް
Alhugandumen nah Hama gaboolu nukurevey addu kahala thanehga thibunaa varah haalathu Goas power house eh nuvatha generator thakeh huredhaane kamah..ehen vehjey yaa thithaa thibi meehunge ves hunnanee thi haalathu…
AA generators thakaa eku thithanuge hingun ves harudhanaa kureven jehey…addu ga ebathibi zamaanee vaseelah beynun kuran dhanna gaabilu meehun.. generator diagnose kohlan jehuneema evaru kameh nuvegen aadhese kuran nujehey varuge meehunves thithaa thiben ebajehey..
މި ލިޔުމަށް 48 ގަޑިއިރު ހަމަވެފައި