އެމެރިކާ ސިފައިން ޔަމަނުގެ ޙޫޘީންނާ ދެކޮޅަށް އުދުވާނުތައް ހިންގަން ފެެށި ފަހުން ކިޔު-9 މަރުކާގެ 17 ޑްރޯން ވައްޓާލައިފިއެވެ. ވޭތުވެދިޔަ 3 ދުވަސްތެރޭގައި އެކަނިވެސް އެމެރިކާގެ 2 ޑްރޯން ވަނީ ވައްޓާލާފައެވެ.

ޙޫޘީންގެ ވައިގެ ދިފާއީ ނިޒާމް މިހާ ވަރުގަދަ ވާނެ ކަމަށް ކުރިން އަންދާޒާކުރެވިފައި ނެތުމުން އަސްކަރީ މަނަވަރުތައް މަޑު މަޑުން ޔަމަނާ ފެޔަށް ދާން ފަށާފައިވާ ކަމަށް މީޑިޔާތަކުގައި ވަނީ ރިޕޯޓު ކޮށްފައެވެ.

އެމެރިކާގެ ޑްރޯނެއްގެ އަަގަކީ 33 މިލިޔަން އެމެރިކާ ޑޮލަރެވެ. އެހެން ކަމުން އެމީހުންގެ ޑްރޯން ޓެކްނޮލޮޖީއަށް ލިބުނު ގެއްލުން އެކަނިވެސް މިހާރު 561 މިލިޔަން ޑޮލަރުން މައްޗަށް އަރައިފިއެވެ. މީގެ އިތުރުން އެމެރިކާގެ އަސްކަރީ މަނަވަރުތަކަށް ވެސް ބޮޑެތި ގެއްލުންތަކެއް ވަނީ ލިބިފައެވެ.

ހަރުދަނާ ރޭވުންތެރިކަމެއް ނެތި، އެމެރިކާގެ ވައިގެ ސިފައިން ބޭނުންކޮށްގެން ޔަމަނަށް ހަމަލާދޭތީ އެމެރިކާގެ އެތެރޭގައި ވެސް ފާޑުކިއުންތައް ވަނީ އިތުރުވެފައެވެ. އަދި މެދުއިރުމަތީގައި ޞުލްޙަ ޤާއިމުކުރުމަށްޓަަކައި މިހާރުން މިހާރަށް ޙަމަލާތައް ހުއްޓާލުމަށާއި، އިޒްރޭލަށް ބާރުގަދަ ހަތިޔާރު ދޫކުރުން ހުއްޓުވުމަށް ސެނޭޓަށް ވަނީ ޤަރާރެއް ވެސް ހުށަހަޅާފައެވެ.