މިނިސްޓްރީ އޮފް އިސްލާމިކް އެފެއާޒުގެ ޚަބަރު ފަތުރާ ވަޞީލަތްތަކުން ހާމަކުރައްވާފައިވާ ގޮތުގައި ށ. ފޯކައިދޫގައި އިސްލާމީ މަރުކަޒެއް އެޅުމަށް ފެނަކަ ކޯޕަރޭޝަނާ ވަނީ ޙަވާލުކޮށްފައެވެ. މި މަސައްކަތް ހަވާލުކޮށްފައިވަނީ މަސައްކަތް ފަށާތާއި 900 ދުވަހުގެ ތެރޭގައި ނިންމާ ގޮތަށެވެ.
މި އެއްބަސްވުމުގައި އިސްލާމީ ކަންތައްތަކާ ބެހޭ ވުޒާރާގެ ފަރާތުން ސޮއި ކުރެއްވީ އިސްލާމީ ކަންތައްތަކާބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދުއެވެ. އަދި ފެނަކަ ކޯޕަރޭޝަން ލިމިޓެޑްގެ ފަރާތުން ސޮއި ކުރެއްވީ އެކުންފުނީގެ މެނޭޖިންގ ޑިރެކްޓަރ މޭޖަރ (ރޓޑ) މުހައްމަދު ނަޖާހުއެވެ.
މިއީ ނަމާދުކުރާބައިގެ އިތުރުން ހޯލަކާއި ލައިބްރަރީއަކާއި 4 ކުލާސްރޫމް ހިމެނޭ އިސްލާމީ މަރުކަޒެއްކަމަށް އިސްލާމިކް އެފެއާޒް މިނިސްޓްރީން ވިދާޅުވެއެވެ. މިކަމާ ފޯކައިދޫގެ ލޮބުވެތި އެންމެހާ ރައްޔިތުން ތިބީ ވަރަށް އުފާވެފައެވެ.
