ސްޓެލްކޯ އިން ރާއްޖެއަށް ބެޓެރި ސައިކަލް އޭގެ ޗާޖިންގ ސިސްޓަމްތަކާއެކު ގެނެސްފިއެވެ.
މެނޭޖިން ޑިރެކްޓަރު ހުސައިން ފަހުމީ މިއަދު ވިދާޅުވެފައިިވަނީ މިއީ ރައީސް ކަނޑައަޅުއްވާފައިވާ ތިމާވެއްޓާ ރައްޓެހި ސިޔާސަތު ފުރިހަމައަށް ތަންފީޒުކުރުމަށް ބޭނުންވާ އެނާޖީ މެނޭޖްމަންޓް ސިސްޓަމް ރާއްޖެއަށް ތައާރަފުކުރުމުގެ މަސައްކަތުގެ އަދި ކުޑަމިންވަރެއް ކަމަށެވެ.
އިލެކްޓްރިކް އުޅަނދު ޗާޖު ކުރެވޭނެ ނިޒާމެއް މިހާރު ވަނީ ގާއިމްކޮށްފައިވާކަން ފާހަގަ ކުރައްވަމުން ފަހުމީ އިތުރަށް ވިދާޅުވީ ރާއްޖެއަށް ގެނެސްފައިވާ އެޑްވާންސް ބެޓެރި މެނޭޖްމަންޓް ސިސްޓަމަކީ ޓައިވާނުގެ މަޝްހޫރު ގޯގޮރޯ ބްރޭންޑްގެ ނިޒާމެއް ކަމަށެވެ.
މީގެ ކުރިން ސްޓެލްކޯއިން މާކަނޑުގެ އަޑިއަށް ދަތުރުކުރެވޭ ފެންވަރުގެ ސަބްމެރިނެއް ވެސް ވަނީ ތަޢާރަފުކޮށްފައެވެ. ސްޓެލްކޯގެ ރިސާޗް ސެންޓަރު އިފުތިތާޙު ކުރުމުގެ ޙަފުލާގައި އެކަން އިޢުލާންކުރެއްވީ އެމްޑީ ޙުސައިން ފަހުމީއެވެ.
