އުސްތާޛް ޒަކީ

ޖައްވުން އެނބުރި އައުމުން ސުނީތާ ވިލިއަމްސް އަށް އެންމެ ފުރަތަމަ މަރުޙަބާކީ ކޯމަސްތަކެއް!

އެމެރިކާގެ އެސްޓްރޮނޯޓް ސުނީތާ ވިލިއަމްސް ނުވަ މަސްދުވަހު ޖައްވުގައި ތާށިވެފައި ހުރުމަށްފަހު އެނބުރި ދުނިޔެއަށް އައި ކެޕްސޫލް ގަލްފު އޮފް މެކްސިކޯއަށް ވެއްޓުމާއެކު އެންމެ ފުރަމަވެސް މަރުޙަބާކީ ކޯމަސްތަކެކެވެ.

އުޅަނދު ކަނޑުގައި ޖެހުމާއެކު ކޯމަސް އައިނެއް އައިސް އޭގެ ވަށައިގެން ބުރުޖަހާ އަޑުތައް ލައްވައި ނަށާ ހެދިކަމީ އެސޮރުމެން ވެސް އެކަން ފާހަގަކުރުން ކަމުގައި ބެލިދާނެތެވެ. އަދި އެއީ ޤުދުރަތީ ގުޅުންތަކުގެ ރިވެތި މިސާލެއްގެ ގޮތުގައި ވެސް ބައެއް މީހުން ސިފަކުރެއެވެ.

ސްޕޭސް-x  ސްޓާލައިނާއަށް ދިމާވި މައްސަލައަކާ ގުޅިގެން ސުނީތާ ވިލިއަމްސް އާއި ބުޗް ވިލްމޯ އެނބުރި އައުން އެތައް ފަހަރެއްގެ މަތިން ފަސްކުރަންޖެހިފައި ވަނިކޮށް އީލަން މަސްކުގެ ދީލަތި އެހީތެރިކަމުގައި 18 މާޗުގައި އެމީހުން ވަނީ ގެނެސްފައެވެ. އެކަމަށްޓަަކައި އެމީހުންގެ ފަރާތުން އީލަން މަސްކަށާއި ރައީސް ޓްރަމްޕަށް ޝުކުރު އަދާކޮށްފައި ވެއެވެ.

ތާށިވެފައިތިބި އެސްޓްރޮނޯޓުން ބަލައިދިޔަ ސްޕޭސް-x ފެލްކަން ދަތުރު ފެށީ މި މަހުގެ 14 ވަނަ ދުވަހުއެވެ. އަދި މި އުޅަނދު ޖައްވީ ސްޓޭޝަނާ ގުޅާލެވުނީ މާޗް 16 ގައެވެ. އަދި ކާމިޔާބު 17 ގަޑީއިރުގެ ދަތުރަކަށް ފަހު، 18 މާޗްގައި އެމީހުން ވަނީ އެނބުރި ދުނިޔެއަށް އައިސްފައެވެ.