އުސްތާޛް ޒަކީ

މައިކޮލެޖުގައި ދަނޑުވެރިކަން ކިޔަވާ 5 ދަރިވަރަކު އިތުރު ތަޖުރިބާ ހޯދުމަށް ތައިލޭންޑަށް

ތައިލޭންޑްގައި ކުރިއަރާފައިވާ ދަނޑުވެރިކަމުގެ އުކުޅުތަކުގެ ތަޖުރިބާ އާއި އިންތިޒާމުތަކާ ޓެކްނޮލޮޖީގެ ވަޞީލަތްތައް ތަޖުރިބާކުރުމަށްޓަކައި މައިކޮލެޖުގެ ފަސް ދަރިވަރަކު މިއަދު ތައިލޭންޑަށް ފުރައިފިއެވެ.

މައިކޮލެޖުން މަޢުލޫމާތުދޭ ގޮތުގައި މި ދަތުރަކީ ދަނޑުވެރިކަން ކިޔަވާ ދަރިވަރުންނަށް ތައިލެންޑުން އާ އުކުޅުތަކާއި، ދެމެހެއްޓެނިވި ދަނޑުވެރިކަމުގެ ރަނގަޅު ނަމޫނާތަކާއި، ދަނޑުވެރިކަމުގެ ވިޔަފާރި ތަރައްޤީކޮށް ނަފާ އާއި މަންފާ އިތުރުކުރާނެ ގޮތްތައް ދަސްކުރުމަށްޓަކައި ދޭ ފުރުޞަތެކެވެ.

މި ދަތުރުގައި ބެންކޮކުގައި ހުންނަ ދަނޑުވެރިކަމުގެ މާރުކޭޓުތަކަށް ޒިޔާރަތްކޮށް ދަނޑުވެރިކަމުގެ ވިޔަފާރީގެ ދާއިރާ ހިނގާގޮތް ބަލައިލުމުގެ ފުރުސަތު އެކުދިންނަށް ލިބިގެންދާނެއެވެ. މީގެ އިތުރުން ތައިލޭންޑްގެ އޯކިޑް ދަނޑުތައް އޮންނަ ސަރަޙައްދަށް ދަތުރުކޮށް، އޯކިޑް އިންދާ ހައްދާނެ އުކުޅުތައް ދަސްކުރުމުގެ ފުރުޞަތު ވެސް ލިބިގެންދާނެއެވެ.

މައިކޮލެޖަކީ ދިވެހިރާއްޖޭގައި މަތީ ތަޢުލީމު އެންމެ ފުޅާ ދާއިރާއެއްގައި ފޯރުކޮށްދެމުން ގެންދާ ވަރަށް ފާހަގަކޮށްލެވޭ އަދި އީޖާދީ ކޮލެޖެކެވެ.