މިލައުތުރު

ފޯކައިދޫ މަސްޖިދުލް އީމާންގައި ޝައިޚް މުޙައްމަދު އާދިލް ދެއްވަނީ މަޢުލޫމާތު މުއްސަނދި އެހާމެ ޝައުޤުވެރި ދަރުސްތަކެއް.

މަދީނާ ޔުނިވަރސިޓީން މަތީ ތަޢުލީމު ޙާޞިލުކުރައްވައިގެން ހުންނެވި، ފޯކައިދޫއަށް ނިސްބަތްވާ ޝައިޚު މުޙައްމަދު އާދިލް، މި މަރަޞާންމަހުގައި މިސްކިތުގައި ދެއްވާ ނަޞޭޙަތުގެ ދަރުސްތަކަކީ މަޢުލޫމާތުގެ ގޮތުން މުއްސަނދި އަދި އެހާމެ ޝައުޤުވެރި ދަރުސްތަކެކެވެ.

މި ރަމަޟާންމަހުގެ ކުރީކޮޅުގައި އެ ރަށު މަސްޖިދުލް އީމާންގައި އިސްލާމް ދީނުގެ ލުއިފަސޭހަކަމާ ގުޅޭގޮތުން ޝައިޚު އާދިލް ދެއްވި ދަރުސްއަކީ މިގޮތުން ވަރަށް ފާހަގަކޮށްލެވޭ ދަރުހެކެވެ. މުސްލިމުންގެ މައްޗަށް ރޯދަ ވާޖިބު ވެގެންދިއުމާއި، އެކި އެކި ތަކުލީފުތައް ތަޙައްމަލުކުރަން ޖެހޭ ފަރާތްތަކަށް އޮތް އިސްތިސްނާތަކާއި ލުއިފަސޭތަކުގެ މައްޗަށް ވަރަށް ތަފުޞީލީ ގޮތެއްގައި ވާހަކަފުޅުދައްކަވަމުން ތިލަކުރެއްވި މިސާލުތައް ފާހަގަކޮށްލެވެއެވެ.

ރޯދަމަހުގެ ރޭއަޅުކަމުގެ ދަރުމައާ ޘަވާބުގެ ވާހަކަތައް ބަޔާންކޮށްދެއްވަައި ވީހާވެސް ގިނަ ވަގުތު ރޭއަޅުކަމުގައި ހޭދަކުރުމަށް ނަޞޭޙަތްތެރި ވެލެއްވިއެވެ. އަދި މާޔޫސްވުމެއް ނެތްކަމަށާއި، ފުރަތަމަ ދިހައެއްގައި ރޭއަޅުކަން ނުކުރެވުނު މީހުން ދެވަނަ ދިހައެއްގައި ރޭއަޅުކަން ކުރުމަށް ފެށުނަސް އެންމެ ރަނގަޅު ކަމަށާއި، ދެވަނަ ދިހައެއްގައި އެންމެ އެކަށީގެންވާ ގޮތެއްގައި ވަގުތު ހޭދަނުކުރެވުނު މީހުންވެސް އަލުން ހިތްވަރު ލާފައި ފަހު ދިހައިގެ ރޭއަަޅުކަން ކުރުމުގެ ފުރުޞަތު ހޯދުމަށް ނަޞޭޙަތްތެރި

ވިއެވެ. މާތް ﷲ ގެ ނިޢުމަތްތަކުގެ ތަނަވަސްކަމާއި، ރޯދަމަހުގެ ދަރުމައާ ޘަވާބުގެ ގިނަ ގުނަކަން ބަޔާންކޮށްދެއްވައި ލައިލަތުލް ޤަދުރި ވިލޭރޭގެ ވާހަކައިން މިސާލު ނެންގެވިއެވެ. މަރަޟާންމަހުގައި އެއް ހާސް މައްސަރުގެ ދަރުމަ އާއި ޘަވާބު ލިބޭ އެންމެ ރެއެއް ލައްވާފައިވުމުގައި ޙިކުމަތްތަކެއް ވާނެކަމަށާއި، އެރޭގެ ނަޞީބުވެރިންކަމުގައި ހަމަ ކޮންމެ މީހަކަށް ވެސް ވެވޭނެކަމަށެވެ. އަދި އެމީހަކާ ރަމަޟާން ބައްދަލުވުމުގެ ނަޞީބު ލިބި، ލައިލަތުލް ޤަދުރި ނުލިބޭނީ ވަރަށް ބޮޑަށް އިހުމާލުވެވިގެން ކަމަށާއި، ނޫނީ އެހެން ނުވާނެކަމަށެވެ.