ލޮބުވެތިރައްޔިތުންނޭވެ. މުޖާހިދު ދިވެހިތަކުރުންނޭ ތެދުވާށެވެ.
ހަރުކަށިދައުލަތެއް،އާދެ “ހާޑް ސްޓޭޓް” އެއް ދިވެހިން އެއްއިރެއްގައި ވެސް ބޭނުމެއް ނުވެއެވެ. މުޅި ދިވެހި ތާރީޚުގައެވެ. ދިވެހިދައުލަތަކީ އަބަދު ވެސް މިނިވަން އިންސާފު ދެމިއޮތް ހަމަހިހިމޭން މުޖްތަމައެއް އޮތް މިނިވަންދައުލަތެކެވެ.
މެޑެލްތަކާއިކުލަތަކުގެ އަހްލުވެރިންނަކީ އަމުރަށް ތަބާވުމަށް ތަމްރީން ދެވިފައި ތިބޭ ރަންފީޒީ އޮފިސަރުންތަކެކެވެ. މިފަދަ އޮފިސަރުން ރައްޔިތުންގެ ހުރިހާ އުމޫރެއް ހިންގާން ތިބުމަކީ ހަރުކަށިދައުލަތަކަށް ބަދަލުވުމެވެ. ރައްޔިތުންގެ މިނިވަންކަމާއި އިންސާފު ގެއްލުވާލުމެވެ. މިކަހަލަ ދައުލަތެއްގައި އަބަދުވެސް އޮންނާނީ “ޔެސް ސާރ” އެވެ. “މަސާހިބާ” އެވެ. އަދުލްއިންސާފުގެ ބާރު އެއްކޮށް ކެނޑިގެންދާނެއެވެ.
ވިމާ ރައްޔިތުންނާއި ފަނޑިޔާރުންނާއި ވަކީލުން ހޭލާއި ތެދުވެ، ދިވެހިދައުލަތް އިންސާފުގެ މަގަށް ގެނައުމަށް ހަރަކާތެއް ހިންގާންވީ ވަގުތަކީ މިއެވެ. ޑިކްޓޭޓަރު މުއިއްޒު އަތަށް އޮޅާލަމުން ގެންދާ ބާރުތައް ދައުލަތުގެ ވަކިވެފައި އޮންނަ ބާރުތަކަކަށް ބަހާލާއި ބަދަލުކޮށް ލަން ޖެހެއެވެ. ކެރިގެން ހައްގުބަސް ބުނެ އިއްވާށެވެ.
ދިވެހިރާއްޖެ….ދިރިދެމިއޮންނާނެއެވެ.
(މިއީ އެމަނިކުފާނު ސޯޝަލް މީޑިޔާ މެދުވެރިކޮށް ޙިއްސާކުރައްވާފައިވާ ޤައުމީ އާދޭހެކެވެ.)
ކިޔުންތެރިންގެ ހިޔާލު