މި މަހުގެ 11 ވަނަ ދުވަހު ޚަބަރެއް ނުވެގެން ފުލުހުން އިއުލާނު ކުރި އަބްދުﷲ ޝިހާދު، ރީހުއްސޮބާ/ނ. މަނަދޫއާ ގުޅޭ ޚަބަރެއް ވެފައި ވާކަމަށް ފުލުހުން ބުނީ މި މަހުގެ 8 ވަނަ ދުވަހު ކަމަށާއި އޭނާގެ ފޯނަށް ވެސް ނުގުޅޭ ކަމަށެވެ.

މިހެން ކަންއޮއްވާ މަސްތުވާތަކެތީގެ މައްސަލައެއްގައި ޝިހާދު ހައްޔަރުކޮށް އިއްޔެ ވަނީ 10 ދުވަހަށް ބަންދަށް މުއްދަތު ޖަހާފައެވެ.

އޭނާ ބަންދުކުރިކަމުގެ ޗިޓުން އެނގޭ ގޮތުގައި، އޭނާ ހައްޔަރު ކޮށްފައިވަނީ ރާއްޖެއަށް މަސްތުވާތަކެތި އެތެރެކޮށް، ވިޔަފާރި ކުރުމުގެ ތުހުމަތުގަ އެވެ. އޭނާ ހައްޔަރު ކުރީ ރާއްޖެއިން ބޭރުން އައިތަނާ ކަމެއް ނޫނީ މާލެއިން ކަމެއް ނޭނގެ އެވެ.

ޝިހާދު ބަންދުގައި ބަހައްޓަން އަމުރު ކޮށްފައިވަނީ މުޖުތަމައުގެ ސަލާމަތަށް ނުރައްކަލެއް ކުރިމަތިވެދާނެ ކަމަށް ފެންނާތީ ކަމަށް ވެސް އަމުރުގައިވެ އެވެ.