ޝާން މުޙައްމަދު

މަޑުއްވަރީ މާރާމާރީ ހާދިސާ: ބޭބެއަށް ހަމަލާދީ ޒަހަމްކޮށްލި މީހާ ހައްޔަރުކޮށްފި.

މަޑުއްވަރީގައި ދެބެއިންގެ މެދުގައި ހިންގި ޒުވާބެއްގެ ތެރޭގައި ހިންގި މާރާމާރީގައި ބޭބެ އަށް ހަމަލާދީ ޒަހަމްކޮށްލި މީހާ ދިވެހި ފުލުހުންގެ ހިދުމަތުން ހައްޔަރުކޮށްފި އެވެ.

މި މައްސަލައިގައި ހައްޔަރުކުރީ ރ. މަޑުއްވަރީ ބީޗް ހައުސް އިސްމާއީލް އާސިފް، 35، އެވެ.

ފުލުހުން މިއަދު މީޑިއާތަކަށް ފޮނުވި މެސެޖެއްގައި އެކަން ކަށަވަރުކޮށް ދިން ނަމަވެސް މި މައްސަލައިގެ އިތުރު ތަފުސީލެއް ނުދެ އެވެ. ނަމަވެސް ރޭ 10:30 އެހާކަށްހާ އިރު، ހިނގި މާރާމާރީގެ މައުލޫމާތު ފުލުހުންނަށް ލިބުނީ ރޭ 11:30 އެހާކަށްހާ އިރު ކަމަށް ފުލުހުން ބުންޏެވެ.

މި މައްސަލައިގައި ހައްޔަރު ކުރި އާސިފް އޭނަގެ އެއްބަނޑު އެއްބަފާ ބޭބެ މުހައްމަދު މުއީނަށް ވަޅިއަކުން ދިން ހަމަލާގައި ބޭބެގެ ބޮލުގެ ދެ ތަނެއް ޒަހަމްކޮށްލާފައިވެ އެވެ. އޭނަ އަށް ރޭ މަޑުއްވަރީ ސިއްހީ މަރުކަޒުން ފަރުވާ ދިނުމަށް ފަހު މެންދަމު 3:20 ހާއިރު ވަނީ އުނގޫފާރު ހޮސްޕިޓަލަށް ގެންގޮސްފަ އެވެ.

މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.

މި ލިޔުމާއި މެދު ދެކެނީ ކިހިނެއް؟