އުމުރުން 100 އަހަރުގެ ވޯލްޓަރ އޮތުމަންއަށް ދުނިޔޭގެ އެންމެ އިޚުލާސްތެރި މުވައްޒަަފުގެ ޝަރަފު ގީނިސް ވޯލްޑް ރެކޯޑުން ދީފިއެވެ.
ބްރެޒިލްގެ ރައްޔިތެއް ކަމަށްވާ ވޯލްޓަރ 84 އަހަރު ހޭދަކޮށްފައިވަނީ އޭނާއަށް އެންމެ ފުރަތަމަ ވެސް ލިބުނު ވަޒީފާގައެވެ. އޭނާއަށް ޓެކްސްޓައިލް ކުންފުންޏަކުން މުދާ އުފުލާ މީހެއްގެ ވަޒީފާ ލިބުނީ 17 ޖެނުއަރީ 1938 ގައެވެ. އޭރު އޭނާގެ އުމުރަކީ އެންމެ 15 އަހަރެވެ.
އޭނާގެ ޙަޔާތުގައި އިތުރު އެހެން އެއްވެސް ތަނެއްގައި ވަޒީފާއެއް އަދާކޮށްފައެއް ނުވެއެވެ. ފުރަތަމަ ވަޒީފާ ލިބުނު ކުންފުނީގައި މުދާ އުފުލާ މީހެއްގެ މަޤާމުން އިދާރީ މުވައްޒަފަކަށް ޕްރޮމޯޓުވުމަށް ފަހު، ފާއިތުވި އަހަރުތަކުގައި އޭނާގެ އިޚުލާސްތެރިކަމާ މަސައްކަތުގެ އަޚުލާޤުގެ ހެޔޮކަމުން ސޭލްސް މެނޭޖަރުކަމުގެ މަޤާމު ވެސް ވަނީ ލިބިފައެވެ.
ވޯލްޓަރ ގެ އިޚުލާސްތެރިކަމާ ކެތްތެރިކަމަކީ ވަރަށް ފުރިހަމަ ނަމޫނާއެއްގެ ގޮތުގައި ކުންފުނީގެ ހަމަ އެންމެން ވެސް ޤަބޫލުކުރެއެވެ. އަދި އެންމެ ފަހުން ދުނިޔޭގެ ރެކޯޑު ފޮތުން ވެސް އޭނާއަށް ޖާގަ ލިބުނީއެވެ.
