އައްޑޫސިޓީ ގަން އިންޓަނޭޝަނަލް އެއަޕޯޓުގެ މަޝްރޫއުގެ ތެރެއިން ކުރިޔަށް ގެންދާ މަގުހެދުމުގެ މަސައަކަތް ހުއްޓިފައި އޮތީ ގަމުގައި ހުރި އީކުޓަރ ވިލެޖް ނަމަކަށް ކިޔާ ދުވަސްވެފައިވާ ރިސޯޓެއްގެ ސަބަބުންކަން ހާމަވެއްޖެއެވެ.

ސަރުކާރުން ވަނީ މި އެއަޕޯޓު ތަރައްޤީގެ މަޝްރޫއުގެ ތެރެއިން ހަދަމުން އަންނަ މަގު ހެދުން ވަކި ހިސާބަކުން ހުއްޓާލުމަށް މި މަޝްރޫއު ހިންގާ އިންޑިއާގެ ރެނާޓަސް ކުންފުންޏަށް އަންގާފަ އެވެ. ސަރުކާރުން އެ ކުންފުންޏަށް މިގޮތަށް އެންގީ އީކުއޭޓަރ ވިލެޖުގައި މަސައްކަތް ކުރާ ބިދޭސީން ތިބޭ ގަމުގެ މުސްކުޅި އިމާރާތެއް ނަގަން ޖެހޭތީ އެކަމާއި އީކުއޭޓާ ވިލެޖުން ދެކޮޅު ހެދުމާއި ގުޅިގެންނެވެ.

ސަރުކާރުން ބުނީ އީކުއޭޓަރ ވިލެޖުން މި އިމާރާތް ނަގަން ހުއްދަ ނުދިނުމުގެ ސަބަބުން މަގުހެދުމުގެ މަޝްރޫއު ނިންމަންޖެހޭ މުއްދަތަށް ނިންމުމަށް ދަތިވެ، އޭގެ ސަބަބުން ކޮންޓްރެކްޓަރަށް ބަދަލުދޭން ޖެހޭފަދަ ހާލަތެއް މެދުވެރިވެ ދައުލަތަށް މާލީގޮތުން ގެއްލުންވެދާނެތީއެވެ. އަދި އެ އިމާރާތް ހިމެނޭ ސަރަހައްދުގެ މަގުގެ ބައި މަޝްރޫއުން އުނިކުރަން ބޭނުންވާކަން ކޮންޓްރެކްޓަރަށް އެންގުމަށް އައްޑޫ އިންޓަނޭޝަނަލް އެއާޕޯޓް ޕްރައިވެޓް ލިމިޓެޑަށް ސަރުކާރުން ވަނީ އަންގާފަ އެވެ.

އީކުއޭޓަރ ވިލެޖުގައި މަސައްކަތް ކުރާ ބިދޭސީންގެ އެކޮމޮޑޭންއާއި ގުޅިގެން ދިވެހި ސަރުކާރަށް ވަނީ ގަން އެއާޕޯޓްގެ މަގު ހެދުމުގެ ބޮޑު މަޝްރޫއު ވަކި ހިސާބަކުން ހުއްޓާލަން މަޖުބޫރުވެފައެވެ. މިކަމާ ގުޅިގެން އައްޑޫ ސިޓީ ކައުންސިލާއި އެ ސިޓީގެ ގިނަ ރައްޔިތުން ދަނީ ކަންބޮޑުވުން ފާޅުކުރަމުންކަން ފާހަގަ ކުރެވެއެވެ.