08 ފެބުރުއަރީ 2025 ގައި ބޭއްވުމަށް ހަމަޖެހިފައިވާ ބ.ގޮއިދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަނާއި ދިމާކޮށް ބ.ގޮއިދޫ ފެނަކަ ބްރާންޗުން 20 ވަނަ ރައްޔިތުންގެ މަޖިލީހުގެ އިންތިހާބު ކާމިޔާބު ކުރެއްވި ތުޅާދޫ ދާއިރާގެ މެމްބަރުގެ ކެމްޕޭންގައި އުޅުނު ޕީއެންސީއަށް ތާއީދުކުރާ 11 ފަރާތަކަށް ވަޒީފާ ހަމަޖެއްސުމަށް މަސައްކަތްކުރަމުން ދާކަމަށާއި އަދި 09 މުވައްޒަފަކު ބ. ގޮއިދޫ ފެނަކަ ބްރާންޗުގެ ވަޒީފާއަށް ނެރުމަށް ޗިޓްތައް ހަވާލުކޮށްފިކަމުގެ މަޢުލޫމާތު ލިބިއްޖެއެވެ.

ނިމިދިޔަ 2023 ވެރިކަމުގައި ފަށާފައިހުރި ތަރައްޤީގެ ހުރިހާ މަސްރޫޢުތަކެއް ހުއްޓާލައި އަދި ބ.ގޮއިދޫގައި ހިންގުމަށް 2024 ގައި ބަޖެޓްކުރި އެއްވެސް މަސްރޫޢުއެއް ނުފަށާ 01 އަހަރު ދުވަހަށް އިންތިހާބުކުރާ ބ.ގޮއިދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަނާއި ދިމާކޮށް ކުދި އަދި މެދުފަންތީގެ ވިޔަފާރިތަކާއި އަދި ނާލުބޯޓުތަކުގެ ބިލްތައް ނުދައްކާ، އަދި ލިބޭ އެއްޗަކާއި ހަރަދާއި ދިމާނުވެގެން ސަރުކާރުގެ ސީދާ ސަބްސިޑީ ދީގެން މުވައްޒަފުންގެ މުސާރަތައް ހަމަނުޖެއްސޭ ވަރަށް ދަރަނިވެފައިވާ ކުންފުނިން ސަރުކާރުން ވޯޓަށް ނުފޫޒު ފޯރުވުމަށް ހިންގާ އަމަލެއް ކަމަށް މީހުން ތުހުުމަތު ކުރެއެވެ.

މި ވަޒީފާތައް ހަމަޖައްސާ މުވައްޒަފުން ނެރުމުގެ މަސައްކަތް ހިނގަމުން މިދަނީ ތުޅާދޫ ދާއިރާގެ މެމްބަރ ޕީއެންސީ ގެ ކެންޑިޑޭޓް ނަޖުވާ ފާރޫޤް، ސައިމާގެ / ބ. ގޮއިދޫ، ކެމްޕެއިނާއި ގުޅިވަޑައިގެން ކެންޑިޑޭޓަށް ތާއީދު ހޯދުމަށް ބ.ގޮއިދޫ ގައި ހަރަކާތްތެރިވަމުންދާ ދަނޑިވަޅެއްގައެވެ.

ފެނަކަ ކޯޕަރޭޝަނަކީ ދަރަނި ބޮޑުވެ ސަރުކާރުން ކުންފުނި ރިފޯމް ކުރުމުގެ ގޮތުން އާއޮނިގަނޑުގެ ދަށުން މުވައްޒަފުން މަދުކުރުމުގެ ސިޔާސަތު ތަންފީޒުކުރުމަށް ޖެނުއަރީ 2025 ގައި ބ. ތުޅާދޫ ފެނަކަ ކޯޕަރޭޝަންގެ ވަޒީފާއަށް 20 ވަނަ ރައްޔިތުންގެ މަޖިލީހުގެ އިންތިހާބުގައި ވަޒީފާ ދިން 9 މުވައްޒަފަކު ވަކިކުރުމަށް ފަހު ސަރުކާރަށް ފާޑުކިޔުންތައް އަމާޒުވުމުން އަލުން ވަޒީފާތައް ވަނީ އިޔާދަކޮށްފައެވެ.