އައްޑޫގެ ސިޓީ ހިތަދޫގެ ސްކޫލެއްގައި ގުރޭޑު 12 ގެ ދަރިވަރަކު ކުލާސްތެރޭ ބަދުއަހުލާގީ މަންޒަރު ފެންނަ ވީޑިއޯއެއް ބެލުމަށް ފަހު ކުލާސް ޓީޗަރާ މާރާމާރީ ހިންގައިފިއެވެ.
މައުލޫމާތު ލިބިފައިވާ ގޮތުގައި މި ހާދިސާ ހިނގާފައި ވަނީ މިއަދު ސްކޫލަށް ގޮސް ދަރިވަރުން ކިޔަވަމުން ދިޔަ ވަގުތެއްގައެވެ. އަދި މި ހާދިސާއާއި ހިނގި އިރު ނަގާފައިވާ،
ދަރިވަރާއި ޓީޗަރު މާރާމާރީ ހިންގާ މަންޒަރު ފެންނަ ގިނަ ވީޑިއޯތަކެއްވެސް މިހާރު ދަނީ މީސް މީޑިޔާގައި ދައުރުވަމުންނެވެ.
މި ނޫހަށް މައުލޫމާތު ލިބިފައިވާ ގޮތުގައި މި ހާދިސާގައި ދަރިވަރު ވަނީ ބަދުއަހުލާގީ މަންޒަރު ފެންނަ ވީޑިއޯ އޭނާގެ ކުލާހުގައި ހުރި ސްޕީކަރުން ވެސް ޖައްސައިފައެވެ. އަދި އެކަން ހުއްޓުވުމަށް ޓީޗަރު މަސައްކަތް ކުރުމުން ޓީޗަރަށް އަނިޔާކުރާ މަންޒަރު ވެސް ފެނެއެވެ. އަދި ޓީޗަރު ވެސް ދަރިވަރުގެ ގައިގައި ޖަހާ މަންޒަރު ފެނެއެވެ.
މި ހާދިސާ އާއި ގުޅިގެން އެޑިޔުކޭޝަން މިނިސްޓްރީން ވަނީ ޓީޗަރު ވަޒީފާއިން ސަސްޕެންޑު ކޮށް މި މައްސަލަ ދިވެހި ފުލުހުންގެ ހިދުމަތަށް ވެސް ހުށައަޅާފައެވެ.
ކިޔުންތެރިންގެ ހިޔާލު