މުޅި ދައުލަތް ދަރުވާލައިގެން ހިއްކާފައި އޮތް ބިމަކުން ބޭރުގެ ކުންފުންޏަކަށް 500 ހެކްޓަރު 99 އަހަރަށް ކަމެއް އުމުރަށް ކަމެއްކަން ނޭނގޭ އެއްބަސްވުމެއްގެ ދަށުން ކުރިއަށް ގެންދަން ރާވާފައިއޮތް މަޝްރޫޢަކީ 20 ބިލިއަން ޑޮލަރުގެ މަޝްރޫއެއް ކަމަށް ބުނާއިރު، ދައުލަތަށް ލިބެނީ ހަމަ އެކަނި ޝުކުރިއްޔާއެއް ނޫންކަމެއް ވެސް ނޭނގެއެވެ.
ޔުނައިޓެޑް އެރެބް އެމިރޭޓްސް (ޔޫއޭއީ)ގެ އީގަލް ހިލްސްއާ ހަވާލުކޮށްގެން ރަސްމާލޭގައި ތަރައްގީކުރާ މޯލްޑިވްސް ވޯޓަފްރޮންޓް އެންޑް މެރީނާ މަޝްރޫއަކީ ބޭރުގެ ފަރާތްތަކަށް ރާއްޖޭގެ ބިންތައް މިލްކުކުރުމަށް ހުޅުވިގެންދާ ދޮރެއްކަމުގައި ވެދާނެތީ ބައެއް ދީދީ ޢިލްމުވެރިން ވެސް ދަނީ ކަންބޮޑުވުން ފާޅުކުރައްވަމުންނެވެ.
ވަޒީރު ޑރ. އަބްދުﷲ މުއްތަލިބު ވިދާޅުވީ މީގެ ކުރިން ވެސް ހަމަ އެގޮތަށް ބޭރުގެ ކުންފުނިތަކާ އެކު ސަރުކާރުތަކުން މިފަދަ ޑީލްތައް ހަދާފައިވާ ކަމަށާއި، މިއީ ވަކިން ތަފާތު ކުރެވޭނެ މަޝްރޫޢެއް ނޫން ކަމަށެވެ. އެ ވިދާޅުވިފަދަ އެއް މިސާލަކަށް އެމްޑީޕީގެ ފުރަތަމަ ވެރިކަމުގައި ވެލާނާ އިންޓަނޭޝަމަލް އެއާޕޯޓް އިންޑިއާގެ ޖީއެމްއާރަަށް ކުއްޔަށް ދިނުމުގެ އެއްބަސްވުމެވެ. އެހެން ނަމަވެސް އެ އެއްބަސްވުމުން ވެސް ދައުލަތަށް އަހަރަކު 78 މިލިއަން ޑޮލަރު ލިބޭ ގޮތަށް އޮތެވެ. އެހެން ނަމަވެސް ރަސްމާލެ އެއްބަސްވުމުގައި އެފަދަ އެއްވެސް ކަމެއް ނެތެވެ.
ކިޔުންތެރިންގެ ހިޔާލު