ށ. އަތޮޅު ކައުންސިލުން އިންތިޒާމްކުރި އަތޮޅު ވާހަކަދެއްކުމުގެ މުބާރާތުގައި މުޅި މުބާރާތުން އެންމެ މޮޅު ވާހަކަދެއްކުންތެރިއަކަށް އަތޮޅު ތަޢުލީމީ މަރުކަޒުގެ އާދަމް އިސްޙާޤް ހޮވިއްޖެއެވެ. އަދި ސާނަވީ/މަތީ ސާނަވީ ގިންތީގެ ފަޚުރުވެރި އެއްވަނަ ޙާޞިލުކޮށްފައި ވަނީ ވެސް ހަމަ އެދަރިވަރެވެ.

މުޅި މުބާރާތުން ދެވަނައަށް ދެ ދަރިވަރަކު އަދި ތިން ވަނައަށް ވެސް ދެ ދަރިވަރަކު ހޮވިފައި ވެއެވެ. ދެވަނައަށް ހޮވިފައި ވަނީ މިލަންދޫ ސްކޫލުގެ ޒަމްޢަތު ބިންތު ޢަލީ އާއި ފުނަދޫ ސްކޫލުގެ ފާތިމަތު ޔަޝްމީ ފާއިޒުއެވެ. ތިން ވަނައަށް ހޮވިފައި ވަނީ ޅައިމަގު ސްކޫލުގެ މުޙައްމަދު މަޢާން ޢަބްދުއްރަޝީދު އާއި ފުނަދޫ ސްކޫލުގެ ޢާއިޝަތު އީލާފް ޢަބްދު ﷲ ޒާހިރުއެވެ.

މިރޭ އޮތް އިނާމު ދިނުމުގެ ޙަފުލާގެ ޝަރަފުވެރި މެހެމާނަކީ މިނިސްޓަރ އާދަމް ޝަރީފް އުމަރެވެ. މި ޙަފުލާގައި ށ. އަތޮޅު ކައުންސިލްގެ ރައީސް މުޙައްމަދު ޝިޔާމްގެ އިތުރުން އެ ކައުންސިލްގެ އިސްވެރިން ބައިވެފައި ވެއެވެ.