ދިވެހި ސަރުކާރާއި އީގަލް ހިލްސާއެކު ވެފައިވާ އެއްބަސްވުން ބާޠިލްކުރަން ރާއްޖޭގެ މަޝްހޫރު ގާނޫނީ ވަކީލު އަދި ރައްޔިތުންގެ މަޖިލީހުގެ ކެންދޫ ދާއިރާގެ ކުރީގެ މެމްބަރު އަލީ ހުސައިން ސުޕްރީމް ކޯޓަށް ދުސްތޫރީ މައްސަލައެއް ހުށަހަޅައިފި އެވެ.
އެކްސްގައި ހިއްސާކުރެއްވި ބަޔާނެއްގައި އަލީ ވިދާޅުވީ، އިންފްރާސްޓްރަކްޗާ މިނިސްޓްރީން ދިވެހި ސަރުކާރުގެ ނަމުގައި އީގަލް ހިލްސާއެކު ސޮއިކޮށްފައިވާ “ކޮމާޝަލް ޓާމްސް އެގްރީމެންޓް” ގެ ދުސްތޫރީ ސައްހަކަމާ މެދު ސުވާލު އުފައްދައި ސުޕްރީމް ކޯޓަށް ހުށަހެޅި މައްސަލައަކީ އާންމު މަސްލަހަތު ހިމެނޭ ދުސްތޫރީ މައްސަލައެއް ކަމަށެވެ.
ރަސްމާލޭން ހިއްކާފައިވާ ބިމުން 500 ހެކްޓަރަށް ވުރެ ބޮޑު ސަރަހައްދެއް އެކުއިޒިޝަން ކޮސްޓެއް ނުވަތަ ކުއްޔެއް ދެއްކުމަކާ ނުލައި 99 އަހަރަށް އީގަލް ހިލްސްއަށް ދިނުމަށް ސޮއިކުރި އެއްބަސްވުމަކީ ރައީސް ޑރ. މުޙައްމަދު މުޢިއްޒުގެ ހުވަފެނީ މަޝްރޫޢެއް ކަމުގައި ވަނީ މަޝްހޫރުވެފައެވެ.
ސުޕްރީމް ކޯޓުން މި މައްސަލަ ބަލައި މި އެއްބަސްވުން ބާޠިލް ކޮށްފިނަމަ ރޯނެ ބަޔަކު ވެސް ތިބޭނެކަން ކަށަވަރެވެ.
ކިޔުންތެރިންގެ ހިޔާލު