ދިވެހިރާއްޖޭގެ އެކި ސަރަހައްދުތަކުގައި 55 ކައުންސިލް އިދާރާ އަޅަން ނިންމައި އެކަމުގެ އަމަލީ މަސައްކަތްވެސް ކުރެވެމުންދާކަމަށް ލޯކަލް ގަވަމެންޓް މިނިސްޓްރީން ބުނެފި އެވެ.
ލޯކަލް ގަވަމެންޓް މިނިސްޓްރީން ބުނީ ކައުންސިލް އިދާރާގެ އިމާރާތް އަޅަން ނިންމާފައިވަނީ 55 ރަށުގައި ކަމަށެވެ. އަދި އެ މަސައްކަތްތައް އަންނަ އަހަރުގެ ޖުލައި މަހުގެ ނިޔަލަށް ނިންމާލެވޭނެ ކަމަށް މިނިސްޓްރީން ބުންޏެވެ.
އެ މިނިސްޓްރީން ބުނީ ކައުންސިލް އިމާރާތްތަައް ޢިމާރާތްކުރުމަށް ހިންގާ މަޝްރޫޢުގެ ދަށުން، މަސައްކަތް ފެށުމަށް 42 ރަށަކަށް ތަކެތި މޮބިލައިޒްކުރެވިފައިވާ ކަމަށާއި އަދި 38 ރަށެއްގައި ކައުންސިލް އިމާރާތްތައް އެޅުމަށް ބޭނުންވާ ސާމާނު ސައިޓަށް ފޮނުވާފައިވާ ކަމަށެވެ.
އަދި އަންނަ އަހަރުގެ ޖުލައި މަސް ނިމުމުގެ ކުރިން މި ހުރިހާ އިމާރާތްތައް ނިންމައި ހިދުމަތް ފެށޭނެ ކަމަށް މިނިސްޓްރީން ބުންޏެވެ. ރަށްރަށުގެ ކައުންސިލް އިމާރާތައް އަޅަން ސަރުކާރުން ވެފައިވާ ވައުދުގެ ދަށުން 55 ރަށެއްގެ ކައުންސިލް އިމާރާތް އަޅަން ހަވާލުކޮށްފައިވަނީ ރަޝީދު ކާޕެންޓްރީ އެންޑް ކޮންސްޓްރަކްޝަން (އާރުސީސީ)އާ އެވެ.
ކިޔުންތެރިންގެ ހިޔާލު