މާލޭގައި ހަމަޖެހުން ޤާއިމް ކުރުމަށްޓަކައި ކުރަމުން އަންނަ މަސައްކަތުގެ ތެރެއިން 10 ގޭންގު ލީޑަރުންނާއި ގޭންގު އެކްޓިވިސްޓުންގެ ތެރެއިން 517 ކުދިން ކަސްތޮޅު އަޅުވާފައިވާ ކަމަަށް މިިނިސްޓަރ އަލީ އިހުސާން ބުނެފި އެވެ.
އަހާ ފޯރަމްގައި ވާހަކަ ދައްކަވަމުން އޭނާ ބުނީ ގޭންގު ކުށްތައް ހުއްޓުވުމަށް ކުރާ މަސައްކަތުގައި ބޮޑު ކާމިޔާބީއެއް ހޯދިއްޖެ ކަމަށާއި، ގޭންގު ލީޑަރުންގެ ގޮތުގައި ހަރަކާތްތެރިވާ 10 މީހަކު ހައްޔަރުކޮށް ތަހުގީގުކުރަމުން ގެންދާކަމަށެވެ. އަދި ގެންގުތަކުގައި ހަރަކާތްތެރިވާ 10450 ކުދިންނާ ސުވާލުކޮށް 517 ކުއްޖަކު ހައްޔަރުކޮށްފައިވާ ކަމަށާއި، ގޭންގުތަކުން ބޭނުންކުރި 676 ސައިކަލް ޓޯކޮށްފި ކަމަށެވެ.
މީގެ އިތުރުން މަސްތުވާތަކެތީގެ ވިޔަފާރިކުރާ 24 ނެޓް ވޯކެއް ރެއިޑްކޮށް ތިން ނެޓްވޯކެއްގެ މައްސަލަ ކޯޓަށް ފޮނުވާފައިވާކަމަށެވެ. އެމީހުންގެ އަތުން 3.6 މިލިއަން ރުފިޔާ އާއި 148،000 ޑޮލަރު އަތުލައިގެންފައިވާ ކަމަށާއި، އެފަދަ ކުށްތައް ކުރަން މި ސަރުކާރުން ފުރުސަތު ނުދޭނެ ކަމަށެވެ.
ކިޔުންތެރިންގެ ހިޔާލު