ދިވެހިރާއްޖޭގެ އިޤްތިޞާދީ ޙާލަތާ ގުޅޭގޮތުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ސިޑްސްގައި ދެއްކެވި ވާހަކަފުޅަށް ދުނިޔޭގެ ގިނަ ޤައުމުތަކެއްގެ ސަމާލުކަން ލިބިއްޖެއެވެ. ދަަަރަނީގެ ޙާލަތުން އަރައިގަންނާނީ ކިހިނެތްތޯއާއި މި ދަނޑިވަޅުގައި އެކުގައި ވާނީ ކޮންފަރާތްތަކެއްތޯ ސުވާލު އުފައްދަވާ ވިދާޅުވީ ދެމެހެއްޓެނިވި ގޮތެއްގައި ދަރަނި ބެލެހެއްޓުމަކީ މުސްތަޤުބަލަށް ވަރަށް މުހިއްމު ކަމެއް ކަމަށެވެ.

އިތުރަށް ވިދާޅުވީ ސިޑްސްގެ ލީޑަރުންގެ ޙައިސިއްޔަތުން އިޤްތިޞާދު ޑައިވާސިފައި ކުރުމަށް ކުރާ މަސައްކަތުގައި ވެސް އިސްކޮށް ޙަރަކާތްތެރިވާން ޖެހޭ ކަމަށާއި، ރާއްޖެ ފަދަ ޤައުމުތައް އިޤްތިޞާދީ ގޮތުން ބަރޯސާ ވަނީ މަސްވެރިކަމާއި ފަތުވެރިކަމަށް ކަން ރައީސް ވިދާޅުވި އެވެ. އަދި ކޮވިޑް 19 ގެ ބަލިމަޑުކަމުގައި ދިމާވިފަދަ ނުރައްކަލެއް ކުރިމަތި ވެދާނެކަމަށާއި، ޤައުމީ އުފެއްދުންތެރިކަން އެންމެ ދަށަށް ދިޔަ އެއް ޤައުމަކީ ދިވެހިރާއްޖެ ކަމަށެވެ.

ރައީސް ޑރ. މުޢިއްޒު ވިދާޅުވިގޮތުގައި ރާއްޖޭގެ އިޤްތިޞާދު ޑައިވާސިފައިކޮށް ސަލާމަތްކުރުމަށްޓަކައި މިދަނޑިވަޅުގައި މާލީ އެހީތެރިކަން ވަރަށް ބޮޑަށް ބޭނުންވާ ކަމަށާއި، ރަޙްމަތްތެރި ޤައުމުތަކުގެ ދީލަތިކަން ލިބޭނެކަމަށް އުންމީދުކުރައްވާ ކަމަށެވެ. އަދި ޖަޒީރާ ޤައުމުތަކަށް ކުރިމަތިވެފައިވާ މާލީ ބުރަތައް ލުއިކޮށްދީ ދަރަނި އަދާކުމަށް ޙައްލުތަކެއް ހޯދައިދޭން ޖެހޭ ކަމަށެވެ. ރައީސްގެ މިވާހަކަފުޅުތަަކަށް ވަރަށް ބޮޑު ސަމާލުކަމަކާއި ތަރްޙީބެއް ވަނީ ލިބިފައެވެ.