ޕީޕީއެމް/ޕީއެންސީގައި އިސް ދައުރެއް އަދާކުރައްވަމުން ގެންދެވި ށ. ފުނަދޫ ކައުންސިލްގެ ކުރީގެ ރައީސް އަޙްމަދު އިބްރާހީމް ފުޅު އިދިކޮޅު އެމްޑީޕީއާ ގުޅިވަޑައިގެންފި އެވެ.
ދިގު މުއްދަތެއްގައި ފުނަދޫ ކައުންސިލްގެ ރައީސްކަމުގެ މަޤާމު ފުރުއްވި އަދި ސިޔާސީ ގޮތުން ނުފޫޒު ގަދަ ފަރާތެއްގެ ގޮތުގައި ފާހަގަކުރެވޭ އަޙްމަދު އިބްރާހީމް އިދިކޮޅު އެމްޑީޕީއާ ގުޅިވަޑައިގަތްކަން ވަނީ ކަށަވަރުވެފައެވެ.
ފަހަކަށް އައިސް އޭނާ ފާހަގަކުރެވެނީ ޕީއެންސީއާ ޚިޔާލު ތަފާތު މީހެއްގެ ގޮތުގައެވެ. އަދި މިހާރުގެ މަޖިލިސް މެންބަރު މަންޑޭއާއި ސިޔާސީ ގޮތުން ޚިޔާލު ތަފާތު ވާދަވެރި މީހެއްގެ ގޮތުގައެވެ.
މިއީ ޒަމާނުއްސުރެ ޕީއެންސީގެ މެޖޯރިޓީއެއް އޮންނަ ފުނަދޫގެ ސިޔާސީ މަލަމަތި ބަދަލުވެދާނެ ކަމެއްގެ ގޮތުގައި ތަޖުރިބާކާރުން ސިފަކުރެއެވެ. އެހެނީ އަޙްމަދު އަކީ ފުނަދޫގައި ސިޔާސީ ގޮތުން ބަސްވިކޭ އަދި ނުފޫޒު ގަދަ މީހެކެވެ.
ކިޔުންތެރިންގެ ހިޔާލު