މިއަހަރަށް ފާސްކޮށްފައިވާ 50 ބިލިޔަންގެ ދައުލަތުގެ ބަޖެޓުން އަހަރުގެ ބާކީ އޮތްބައި ހަމަނުޖެއްސިދާނެތީ، ސަރުކާރުން ހުށަހަޅާފައިވާ 5 ބިލިޔަން ރުފިޔާގެ ސަޕްލިމެންޓަރީ ބަޖެޓާ ގުޅޭ ބަހުސްގައި މިލަންދޫ ދާއިރާގެ ޢިއްޒަތްތެރި މެންބަރު ޙަސަން މުފީދު ވިދާޅުވިގޮތުގައި ސަޕްލިމެންޓަރީ ބަޖެޓު ފާސްވުމުން ދިވެހި ޒުވާނުންނަށް އޮތް މަތީ ތަޢުލީމުގެ ފުރުޞަތުތައް ތަންމިނަށް ހުޅުވިގެންދާނެ ކަމަށެވެ.
އަދި ކުރީ ސަރުކާރަށް ވަރަށް ބޮޑަށް ފާޑުވިދާޅުވެ ތުހުމަތު ކުރައްވާފައިވާ ގޮތުގައި ސަރުކާރު ޙިއްސާވާ ކުންފުނިތަކުން އެއްވެސް ލިޔެކިޔުމަކަށް ނާރާ އެތައް ބިލިޔަން ރުފިޔާއެއް ބޭނުންކޮށްފައިވާ ކަމަށެވެ. އަދި އެފަދަ ހުރިހާ ކަމެއް ހަމަޖައްސަން ޖެހުނީމާ ބަޖެޓު ފޫބައްދަން އިތުރު ފައިސާ ބޭނުންވާނެ ކަމަށެވެ.
ހަސަނާ އިތުރަށް ވިދާޅުވިގޮތުގައި ކުރީ ސަރުކާރުން ހިންގާފައިވާ މަޝްރޫޢުތަކުގެ މޫނުމަތީގެ އަގު ކިތަންމެ ބޮޑަސް، އެ މަޝްރޫޢުތައް ހިންގާފައިވާ ގޮތުން ރައްޔިތުން މިހާރު ޤަބޫލުނުކުރާނެ ކަމަށާއި، އެއީ އިންތިހާއަށް އިސްރާފު ބޮޑުކޮށް، ވަކި ބަޔަކަށް މަންފާތައް ހޯދުމަށް ހިންގާފައިވާ ވިޔަފާރިތަކެއް ކަމަށެވެ.
