އެމްޑީޕީން މިހާރު ބާއްވަމުން ގެންދާ ކުއްލި އެއްވުންތަކުގެ ތެރެއިން ވާހަކަދެއްކުމަށްޓަކައި މައިކު ހޯދުމަށް ހިފައިގަންނަ ވީޑިއޯއަކަަށް ބޮޑު ސަމާލުކަމެއް ލިބިއްޖެއެވެ.
ޕާޓީގެ އިސް ސަފުގައި މަސައްކަތްކުރައްވާ ބޭފުޅަކު ވާހަކަދައްކަވަން ހުއްޓާ ފަހަތުން އެހެން ބޭފުޅަކު ”ތިޔަ ގެނޭ، ތިޔަ ގެނޭ“ ކިޔަމުން އައިސް މައިކު އަތުލާ މަންޒަރަށް މީހުންގެ ސަމާލުކަން ހުއްޓި ފާޑުކިޔަން ފަށައިފިއެވެ. ބެލެވޭގޮތުގައި ވާހަކަދައްކަވަން ހުންނެވީ މަކުނުދޫ ދާއިރާގެ ކުރީގެ މަޖިލިސް މެންބަރު ރާއީ އެވެ. އަދި ހިފައިގަނެގެން ގަދަކަމުން މައިކު އަތުލީ މަޝްހޫރު ޤާނޫނީ ވަކީލު މަހުފޫޒު ކަމަށް ވެއެވެ.
ވީޑިއޯ އަކީ ޞައްޙަ ވީޑިއޯއެއްކަން ކަށަވަރު ކުރެވިފައިނެތް ނަމަވެސް، ވަރަށް ގިނަ ބައެއްގެ ނަޒަރު ހުއްޓިފައިވާ ވީޑިއޯއަކަށް އެ ވީޑިއޯ ވެއްޖެއެވެ. އަދި ގިނަ ބައެއްގެ ނުރުހުމުގެ ކޮމެންޓުތައް ލިބެމުން އެބަދެއެވެ.
