މަރުވެ ގޮސްފައިވާ މީހުންގެ ވީޑިއޯތައް، އާރޓިފިޝަލް އިންޓެލިޖެންސްގެ އާލާތްތައް ބޭނުންކޮށްގެން ހަދާ ފެތުރުން އެއީ އިސްލާމީ ޝަރީޢަތުގައި ކޮންކަހަލަ ކަމެއްތޯއެވެ؟ ހަރާންތޯ، ޙަލާލުތޯ، މަކްރޫހަތޯ؟ މިއީ އަދު ކުރިމަތިވެފައިވާ ވަރުގަދަ ސުވާލެއްކަމަށް އޭނާ ދެކެމެވެ. އަދި އެއީ ރަނގަޅު ގޮތް ނޫންކަމަށް ވުމަކީ ވަރަށްވެސް ގާތްކަމެއް ކަމަށެވެ.
އޭނާގެ ފޭސްބުކް އެކައުންޓުގައި ލިޔުއްވާފައިވާ ގޮތުގައި މަރުވެފައިވާ މީހުންނަށްވެސް ޙައްޤުތަކެއް ވެއެވެ. އެމީހުންގެ ނުރަނގަޅު ވާހަކަނުދެއްކުމާއި، އެމީހުންގެ ދޮގުވާހަކަތައް ނުފެތުރުމާއި ޤަބުރުތަކަށް ނުވަތަ މަހާނަތަކަށް އިހާނެތިކޮށްނުހިތުމަކީ މަރުވެފައިވާ މީހުންނާ މެދު އަދާކުރަންޖެހޭ ޙައްޤުތަކެވެ.
އޭއައި ބޭނުންކޮށްގެން މަރުވެފައިވާ މީހުން “ކަށްވަޅުތަކުން ނަގާ، ޑިޖިޓަލީ ފުރާނަ އަޅުވާ” ހެދުމަކީ މަރުވެ ގޮސްފައިވާ މީހުންގެ ޙައްޤުތަކަށާއި ކަރާމާތަށް އަރައިގަތުން ކަމުގައި ނޫނީ ނުދެކޭ ކަމަށެވެ. މަރުވެގޮސްފައިވާ މީހުން ދުވަހަކުވެސް ނުކުރާ ކަންކަމުގެ ވީޑިއޯތަކާއި ނުވަތަ ނުދައްކާ ވާހަކަތަކުގެ އަޑަށްދަންދެން ހަދައިގެން ފަތުރާ ހެދުމަކީ އެމީހުންނާ މެދު ބޮޑުވެގެންވާ ބޮޑު ދޮގެެއް ހެދުމެވެ. މިހުންނަނީ ބޮޑެތިވެގެންވާ ހަރާންކަންކަމެކެވެ.
ކީރިތި ޤުރުއާނާއި ކައުއިތުރު ރަސޫލާގެ ސުންނަތުގެ އަލީގައި ބަލާއިރު، މިކަމަކީ ވަރަށް ބޮޑު އަދި ހަމަ އެހާމެ ނުރައްކާކަމެކެވެ. ދީނުގެ އެންމެމަތީ ފިޤުހީ، ޢަޤީދީ، އަޚުލާޤީ އަދި މިނޫންވެސް އެތައް އަސާސަކާ ގުޅިފައިވާ މައްސަލައެކެވެ. ޤާނޫނެއް ހަދައިގެންވިޔަސް، ރާއްޖޭގައި މިކަން ހުއްޓުވާ މަނާކުރަން ޖެހެއެވެ.
އަދި މިއީ މި މައްސަލައާ ގުޅޭގޮތުން އަޅާލެވުނު ހަމައެކަނި ސުރުޚީއެއް ކަމަށެވެ.
ކިޔުންތެރިންގެ ހިޔާލު