އެމްޑީޕީގެ ރިޔާސީ ޓިކެޓަށް ވާދަކުރުމަށްޓަކައި ފައްޔާޒު އިސްމާއީލް އެމްޑީޕީގެ ޗެއާޕަރސަން ކަމުގެ މަޤާމުން އިސްތިއުފާ ދީފި އެވެ.
ފައްޔާޒު އިސްމާއީލް ފާހަގަކުރެވިފައިވަނީ އެމްޑީޕީ ހިންގާލަން އިސްކަމެއް ދެއްވި ލީޑަރެއްގެ ގޮތުގައެެވެ. އަދި ކާމިޔާބީތަކެއް ހާސިލުކޮށް، ނާކާމިޔާބީތަކެއް ވެސް ތަޖުރިބާ ކުރެއްވި ބޭފުޅެކެވެ.
ބެލެވޭ ގޮތުގައި އެމްޑީޕީގެ ރިޔާސީ ޓިކެޓް ލިބޭ ފަރާތެއް ކަނޑައެޅުމަށް ބާއްވާ ރިޔާސީ ޕްރައިމަރީ ވަރަށް ވެސް ފޯރި ގަދަ ވާނެއެވެ. އިވޭ އަޑުތަކަށް ބަލާއިރު، ގިނަ ބަޔަކު ވާދަކުރާނެ އެވެ. ޗެއަރޕާސަން ކަމުގެ އިންތިޚާބު ވެސް ދިޔައީ އެހާމެ ފޯރި ގަދަ ކޮށެވެ.
މިހާތަނަށް އިވޭ އަޑުތަކަށް ބަލާއިރު، ފައްޔާޒުގެ އިތުރުން ޝާހިދު އާއި ޝަމްހީދު އާއި އާދަމް އާޒިމް އާއި ފައިސަލް ނަސީމްގެ އިތުރުން ވެސް ބޭފުޅުން ވާދަކޮށްފާނެ އެވެ. އެހެންކަމުން ބެލެވޭގޮތުގައި އެމްޑީޕީގެ ރިޔާސީ ޕްރައިމަރީ އާދަޔާ ޚިލާފަށް ވާދަވެރި ވާނެ އެވެ.
ކިޔުންތެރިންގެ ހިޔާލު