މާލެ އަތޮޅު ގުޅީ ކައުންސިލްގެ 2 ވަނަ ފުޓްސަލް މުބާރާތް ރޭގައި ފެށިއްޖެ އެވެ. ކ. ގުޅީ ފުޓްސަލް ދަނޑުގައި އޮތް މުބާރާތް ހުޅުވުމުގެ ރަސްމިއްޔާތު ޝަރަފުވެރި ކޮށްދެއްވީ އެ ދާއިރާގެ ޢިއްޒަތްތެރި މެންބަރު ޑރ. އަނާރާ ނައީމެވެ.
މި މުބާރާތް ރޭވިފައިވަނީ ދެ ޑިވިޛަނަކަށެވެ. އެއީ ކިންގްސް ޑިވިޛަނާއި ކުއީންސް ޑިވިޛަނެވެ. މުބާރާތް ހުޅުުވުމުގެ ރަސްމިއްޔާތަށް ފަހު ކިންގްސް ޑިވިޛަންގެ ދެ މެޗެއް ރޭގައި ކުޅެފައި ވެއެވެ. ފުރަތަމަ މެޗުގައި ބައްދަލުކުރީ ވިކިންގްސް އެފްސީ އާއި ކުލަބު ޓައިޓޭންސް އެވެ. މި މެޗު 3 – 1 ގެ ނަތީޖާއަކުން ކާމިޔާބުކުރީ ވައިކިންގްސް އެފްސީ އެވެ.
މި މެޗުގައި ފުރަތަމަ ގޯލެއް ކާމިޔާބު ކުރީ 27 ވަނަ މިނެޓުގައި ކްލަބު ޓައިޓޭންސްގެ ޖޯޒީ ނަންބަރު 11 ހުސައިން ވިއާމެވެ. އެހެން ނަމަވެސް 34 ވަނަ މިނެޓުގައި ވައިކިންގްސް އެފްސީގެ ޖޯޒީ ނަންބަރު 10 ހުސައިން އިޖުއާން ގޯލެއް ކާމިޔާބުކޮށް ނަތީޖާ ހަމަހަމަ ކޮށްލިއެވެ. އަދި ފަހު ހާފުގައި ވަރަށް ގާތް ގާތުން ދެ ގޯލް ކާމިޔާބުކޮށް މެޗުން މޮޅުވީ ވައިކިންގްސް އެފްސީއެވެ. ޖޯޒީ ނަންބަރު 11 އަޙްމަދު އަޔާން ވަނީ 2 ގޯލް ކާމިޔާބުކޮށްދީ، މެޗުގެ މޮޅުކުޅުންތެރިޔާގެ މަޤާމު ހޯދާފައެވެ.
ދެވަނަ މެޗުގައި ބައްދަލުކުރީ ހައިޑް އެންޑް ސީކް އާއި ޔުނިޓެޑް ލަޔަންސް އެވެ. މި މެޗު 5 – 2 ގެ ނަތީޖާއަކުން ކާމިޔާބުކުރީ ޔުނައިޓެޑް ލަޔަންސް އެވެ.
މި މެޗުގައި ޔުނައިޓެޑް ލަޔަންސް ޓީމަށް ގޯލް ކާމިޔާބުކޮށްދިނީ ޖޯޒީ ނަންބަރު 10 މުޙައްމަދު ޔަޒީދު (2 ގޯލް) އާއި، ޖޯޒީ ނަންބަރު 25 އަޙްމަދު ފައިޝަން ފައިސަލް އާއި، ޖޯޒީ ނަންބަރު 9 އިސްމާޢީލ ޔައިޝް އެވެ. ހައިޑް އެންޑް ސީކަށް ގޯލް ކާމިޔާބު ކޮށްދީފައިވަނީ އެ ޓީމުގެ ޖޯޒީ ނަންބަރު 7 މުޙައްމަދު ސަމީރު އާއި ޖޯޒީ ނަންބަރު 5 އުނައިސް އަބްދުﷲ އެވެ.
މި މެދުގެ މޮޅު ކުޅުންތެރިޔާގެ މަޤާމަށް ހޮވިފައިވަނީ ޔުނައިޓެޑް ލަޔަންސްގެ ޖޯޒީ ނަންބަރު 10 މުޙައްމަދު ޔަޒީދު އެވެ.
ކިޔުންތެރިންގެ ހިޔާލު