އަކުއާ ގުޅީ ކައުންސިލް ފުޓްސަލް ފިއެސްޓާގައި ރޭގައި ގުޅުނު ފުރަތަމަ މެޗުގައި ޔުނައިޓެޑް ލަޔަސް އިން 3 – 0 ގެ ނަތީޖާއަކުން ކްލަބް ޓައިޓަންސް ބަލިކޮށްފި އެވެ.
ފޯރި ގަދަ ކުޅުމެއް ފެނިގެންދިޔަ މެޗުގެ 11 ވަނަ މިނެޓުގައި ޔުނައިޓެޑް ލަޔަންސަށް ފުރަތަމަ ގޯލް ކާމިޔާބުކޮށްދިނީ އެ ޓީމުގެ ޖޯޒީ ނަންބަރު 30 މުޙައްމަދު ނަވީނެވެ. މެޗުގައި 30 ވަނަ މިނެޓުގައި ދެ ވަނަ ގޯލެއް ކާމިޔާބުކޮށްދިނީ ޖޯޒީ ނަންބަރު 28 އަޙްމަދު ފާރިޝް އެވެ. އަދި މެޗުގެ 40 ވަނަ މިނެޓުގައި ޖޯޒީ ނަންބަރު 10 މުޙައްމަދު ޔަޒީދު ތިންވަނަ ގޯލެއް ކާމިޔާބު ކޮށްދިނެވެ.
މި މެޗުގެ މޮޅުކުޅުންތެރިޔާގެ މަޤާމަށް ހޮވުނީ ޔުނައިޓެޑް ލަޔަންސްގެ ޖޯޒީ ނަންބަރު 25 އަޙްމަދު ފިޝާން ފައިސަލް އެވެ.

ކިޔުންތެރިންގެ ހިޔާލު