އެއްގަމު މަގުން ލުބުނާނަށް ވަންނަންދިޔަ ނިރުބަވެރި ޔަހޫދީ ސިފައިންގެ ތެރެއިން 70 އަށް ވުރެ މީހުން ޙިޒްބު ﷲ ގެ މުޖާހިދުން ޙަމަލާދީ މަރާލައިފިއެވެ. ލުބުނާނުގެ އެތެރެއިން ކުރިމަތިލާންޖެހޭ ވަރުގަދަ ޙަމަލާތަކުގެ ސަބަބުން އިޒްރޭލު ސިފައިންނަށް އަދި މާބޮޑު ކުރިއެރުމެއް ނުލިބެއެވެ.
ބާރުގަދަ ވައިގެ ޙަމަލާތައް ދެމުން އެއްގަމު މަގުން ލުބުނާނަށް އެރުމަށްޓަކައި ފުރަތަމަ މަސައްކަތްކުރި ލަޝްކަރުތައް ވެސް ވަނީ ބަލިކޮށްލާފައެވެ. އަދި އޭގެ ފަހުން ވެސް އެތަކެއް އިޒްރޭލު ސިފައިންނެއް ވަނީ ނައްތާލާފައެވެ. އަދި އިއްޔެގެ ޙަމަލާ ބަދަލުކުރުންތަކުގައި ގިނަ އަދަދެއްގެ އިޒްރޭލު ސިފައިން ވަނީ މަރާލާފައެވެ.
މީގެ އިތުރުން ޑްރޯން ރޮކެޓް ޙަމަލާތަކެއް އިޒްރޭލަށް ފޮނުވާލާ ގެއްލުންތަކެއް ވަނީ ދީފައެވެ. އޭގެ ތެރެއިން ބައެއް ޙަމަލާތައް ޓާގެޓުތަކަށް އަމާޒުވެފައިވާ ކަމަށް މީޑިޔާތަކުން ބުނެފައި ވާއިރު، އިޒްރޭލުގެ ދިފާޢީ ތަރުޖަމާނު ވެސް ވަނީ އެކަން ކަށަވަރުކޮށްދީފައެވެ. އެހެން ނަމަވެސް އެ ޙަމަލާތައް އަމާޒުވި ތަންތަނަށް ލިބުނީ ކިހާވަރެއްގެ ގެއްލުންތަކެއްކަން ހާމަކޮށްފައެއް ނުވެއެވެ.
