ދިވެހީންނަށް ބޯހިޔާވަހިކަން ފަހިކޮށްދިނުމުގެ ނަމުގައި އެތައް ބިލިޔަން ރުފިޔާއެއް ޚަރަދުކޮށްގެން ހިއްކި ރަސްމާލެ 99 އަހަރަށް އީގަލް ހިލްސަށް ވިއްކާލުމަކީ ބައެއް ޢިލްމުވެރިންނަށް މައްސަލައަކަށް ނުވެއެވެ.
ސަލަފު ޖަމިއްޔާގެ ޢިލްމުވެރިންގެ ފަރާތްޕުޅުން ފެނިގެންދަނީ ދިވެހި ރައްޔިތުންގެ ވިންދާ ދެކޮޅު އަދި ޤައުމިއްޔަތާ ވެސް ފުށުއަރާ ވިސްނުންތަކެވެ. ރަސްމާލެ މައްސަލައަކީ މިހާރު ބޮޑު ޤައުމީ މައްސަލައަކަށް ވެފައިވާ ދަނޑިވަޅެއްގައި ޝަރުތުތަކާއެކު ރަސްމާލެ ވިއްކާލުމަކީ އެންމެ ރަނގަޅު ކަމެއްގެ ގޮތުގައި ފަތުވާތައް ނެރުއްވަމުން ގެންދަވާތީ، ރައްޔިތުންގެ ކަންބޮޑުވުންތަކާއި ފާޑުކިއުންތައް ވަނީ އިތުރުވެފައެވެ.
އަދި ބައެއް ބޭކަލުން މި މައްސަލައިގެ ފޯކަސް ބަަދަލުކޮށްލުމަށްޓަަކައި އިންޑިޔާގެ ނުފޫޒަކީ މާ ބޮޑު ނުރައްކަލެއްގެ ގޮތުގައި ސިފަކޮށް ފަތުވާ ނެރުއްވާފައި ވެއެވެ. ކުރިން ބިން ވިއްކުމާއި ދެކޮޅަށް ވަކާލާތު ކުރެއްވި ބައެއް ބޭކަލުންނަށް ވެސް މިއަދު ބޭރުމީހުންނަށް ބިން ވިއްކުން ވަނީ ވަރިހަމަވެފައެވެ.
ކިޔުންތެރިންގެ ހިޔާލު