އިސްލާމީކަންތައްތަކާ ބެހޭ ވުޒާރާއިން ރަށް ރަށުގެ މިސްކިތްތަކަށް ހަދިޔާކުރާ މުޞްޙަފުތައް އުންމީދު ޖަމިއްޔާ މެދުވެރިކޮށް ރަށު ކައުންސިލްތަކާއި ޙަވާލުކުރުމާބެހޭ އެއްބަސްވުމެއްގައި ދެފަރާތުން ސޮއި ކޮށްފިއެވެ.
މި އެއްބަސްވުމުގެ ދަށުން މުޞްޙަފު ފޯރުކޮށްދިނުމަށް ހަމަޖެހިފައިވަނީ ހއ ހޯރަފުށި، ހދ. ނޮޅިވަރަންފަރު، ހދ. ހަނިމާދޫ، ނ. ހެނބަދޫ، ބ. މާޅޮސް، އއ. ތޮއްޑޫ، ގއ. ކަނޑުހުޅުދޫ އަދި އައްޑޫސިޓީގެ މިސްކިތްތަކެވެ.
އުންމީދު ޖަމިއްޔާ އަކީ ލ. އަތޮޅަށް ނިސްބަތްވާ ހިލޭސާބަހަށް މަސައްކަތްކުރާ މަދަނީ ޖަމިއްޔާއެކެވެ. އެ ޖަމިއްޔާގެ ފަރާތުން ރާއްޖޭގެ އެކި ކަންކޮޅުތަކުގައި ތަފާތު އެތަކެއް ޙަރަކާތްތަކެއް ވަނީ ހިންގާފައެވެ.
ކިޔުންތެރިންގެ ހިޔާލު