އެމްޑީޕީ ކޮންގްރެސް އަށް ފައްޔާޒް އިސްމާއީލް ހުށަހެޅުއްވި “ބޮޑު ބަދަލު” ގަރާރު އެމްޑީޕީގެ ކޮންގްރެސްއިން މިއަދު ފާސްކުރި އިރު، ހޯރަފުށީ ދާއިރާގެ ރައްޔިތުންގެ މަޖިލިސްގެ މެންބަރު އަދި މަޖިލިސްގެ ކުރީގެ ނައިބު ރައީސް އަޙްމަދު ސަލީމް އާއި، ރައީސް އިބްރާހީމް މުޙައްމަދު ސޯލިހްގެ ކޮއްކޮ އަލީ ނިޔާޒު ވޯޓެއް ނުދެއްވި އެވެ.
ބޮޑު ބަދަލުގެ ޤަރާރަށް ކޮންގްރެސްއަށް ހާޒިރުވެ ތިބި 563 މަންދޫބުންގެ ތެރެއިން 520 މަންދޫބުން ވަނީ އެ ގަރާރު ފާސްކުރަން ފެންނަ ކަމަށް ވޯޓު ދީފަ އެވެ. އެހެންކަމުން ބޮޑު އަޣުލަބިއްޔަތަކާއެކު ކޮންގްރެސްއިން ވަނީ އެ ގަރާރު ބަލައިގެންފަ އެވެ. އެހާ ބޮޑު އަޣުލަބިއްޔަތެއް ލިބުނު އެ ޤަރާރަށް އެ ދެބޭފުޅުން ތާއީދު ނުކުރެއްވުމުން އެކަން ވަނީ ސަމާލުކަމަށް އައިސްފައެވެ.
ކުރިއަށް އޮތް އެމްޑީޕީގެ ރިޔާސީ ޕްރައިމަރީގައި އެ ދެބޭފުޅުން ވެސް ތާއީދު ކުރައްވަނީ ކުރީގެ ނައިބު ރައީސް ފައިސަލް ނަސީމަށް ކަމަށް މަޢުލޫމާތު ލިބެއެވެ. އެއީ އެ ދެ ބޭފުޅުން ފައްޔާޒްގެ ޤަރާރަށް ތާއީދު ނުކުރުމުގެ ސަބަބެއް ކަމުގައި ބެލެވެއެވެ.
ކިޔުންތެރިންގެ ހިޔާލު