ށ. ކަނޑިތީމުގައި މިހާރު ކުރިއަށްދާ މިލައުތުރު ފުޓްސަލް މުބާރާތުގައި ކުޅިވަރުގެ އިތުރުން ފާހަގަކުރެވޭ އެހެން ކަމެއް ވެސް އެބަ އޮތެވެ. އިރު އިރުކޮޅުން އެއްކަލަ ތަކޭ ވައްޓާލާ ވައްޓާލުމެވެ.
ޓިކްޓޮކްގައި ވަރަށް ބޮޑު މަޤުބޫލުކަމެއް ލިބިފައިވާ ތަކޭ އަކީ މިލައުތުރު ފުޓްސަލް މުބާރާތުގައި ވާދަކުރާ ށ. ކޮމަންޑޫ ޓީމުގެ އޮފިޝަލެކެވެ. ޓީމަށް ދޭންޖެހޭ ޚިދުމަތް ފޯރުކޮށްދިނުމަށް ފަހުގައި ލިބޭ ހުސްވަގުތުގައި ތަކޭ ވައްޓާލަނީ ކަނޑިތީމަށް ޒިޔާރަތްކުރާ މީހުންނަށް މުހިންމު ތަންތަނާއި، އެރަށުގައި ހުރި ކެޕޭ، ރެސްޓޯރަންޓް އަދި ފިހާރަތަކާއި، ފަންނީ ހުނަރުވެރި މީހުން ތައާރަފު ކޮށްދިނުމަށެވެ.
މި އަހަރުގެ މިލައުތުރު ފުޓްސަލް މުބާރާތް ހޯސްޓުކުރަނީ ށ. ކަނޑިތީމުގައެވެ. މި މުބާރާތައް ރަށް ވަނީ ވަރަށް ބޮޑަށް ތައްޔާރު ވެފައެވެ. ތާނަ އަކުރު ރަށުގެ ގޮތުގައި ކަނޑިތީމު މަޝްހޫރުވެފައިވާ އިރު، ފޫހިކަމެއްނެތި އެއްކަލަ ތަކޭ ވައްޓާލާ ވައްޓާލުމީ އެމީހުންގެ މި އަހަރުގެ އެންމެ މުހިންމު ޝިއާރު ކަމުގައިވާ ވިޒިޓް ކަނޑީމު (ކަނޑިތީމަށް ޒިޔާރަތްކޮށްލާ) ކެމްޕެއިނަށް ލިބިގެންދާނެ ވަރަށް ބޮޑު އެހީތެރި ކަމެކެވެ.
ތަކޭގެ ކޮންމެ ވީޑިއޯއެއް ވެސް ރާއްޖޭގެ އެތައް ހާސް ބަޔަކު ބަލަމުން ގެންދެއެވެ. ތަކޭގެ މަޖާ ހުށަހެޅުންތަކުގެ ސަބަބުން މިލައުތުރު ފުޓްސަލް މުބާރާތާ މެދު މީހުންގެ ޝައުވެރިކަން އިތުރުވެއެވެ. އެހެން ކަމުން ތަކޭގެ މި މަސައްކަތަކީ ވެސް ތައުރީފުގެ ބަހެއް ޙައްޤު މަސައްކަތެއްކެވެ.

ކިޔުންތެރިންގެ ހިޔާލު