މެދުއިރުމަތީގައި ހިނގަމުންދާ ހަނގުރާަމަ ފެށުމުގެ ކުރިން އަގުހެޔޮކޮށް ގަނެފައިވާ ތެޔޮވެސް ދިވެހި ސަރުކާރުން އަގުބޮޑުކޮށް ވިއްކަން ފަށައިފިއެވެ.
ސަރުކާރުން ތެލުގެ އަގު ބޮޑުކޮށްފައި މިވަނީ ތެލުގެ ސްޓޯރޭޖް ހުރިކަމަށް ބުނެ ނޫސްވެރިންގެ ބައްދަލުވުމެއްގައި ވާހަކަވެސް ދެއްކުމަށް ފަހުގައެވެ.
މިއީ ތަކެތީގެ އަގު އިންތިހާއަށް އުފުލިފައިވާ މި ދަނޑިވަޅުގައި ރައްޔިތުން ސަރުކާރުން ދިން އިތުރު ނިކަމެތިކަމެއް ކަމަށް ގިނަ ފަރާތްތަކަކުން ބުނެއެވެ.
މިކަމާ ގުޅިގެން ސަރުކާރުގެ އިދިކޮޅު ފަރާތްތަކުގެ ފާޑުކިއުންތައް ދަނީ އަމާޒުވަމުންނެވެ. އެގޮތުން ރާއްޖޭގައި ކުއްލި ގޮތަކަށް ތެލުގެ އަގު ބޮޑުކުރުމާ
ގުޅިގެން ކުރީގެ ކޮމިއުނިކޭޝަން މިނިސްޓަރ އަދި ޕީޕަލްސް ނޭޝަނަލް ފްރަންޓް (ޕީއެންއެފް) ގެ ސެކްރެޓަރީ ޖެނެރަލް މުޙައްމަދު މަލީހް ޖަމާލް ސަރުކާރަށް ވަރަށް ބޮޑަށް ފާޑުވިދާޅުވެފައެވެ.
މަލީހު ވިދާޅުވީ ބާޒާރުގައި ތެލުގެ އަގު ބޮޑުވެފައި މިވަނީ، ތެލުގެ އަގާ މެދު ކަންބޮޑުވާން ނުޖެހޭ ކަމަށް ބުނެފައި ވަނިކޮށް ކަމަށެވެ. އަދި ތެލުގެ އަގު ބޮޑުވާނެ ކަމުގެ އެއްވެސް އިޝާ
ރާތެއް ނެތް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒުވެސް ވިދާޅުވި ކަމަށް މަލީހު ވިދާޅުވިއެވެ.
އިއްޔެ ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން ގެނައި ބަދަލާއެކު، ޕެޓްރޯލް ލީޓަރަކުން 18.6 އިންސައްތަ އަދި ޑީސަލް ލީޓަރަކުން 26 އިންސައްތަ ވަނީ ބޮޑުކޮށްފައެވެ. މި ބަދަލާއެކު ޕެޓްރޯލް ލީޓަރެއްގެ އަގު 16.01 ރުފިޔާއަށް އުފުލިފައިވާއިރު، ޑީސަލް ލީޓަރެއްގެ އަގު ވަނީ 17.54 ރުފިޔާއަށް އަރާފައެވެ. ސަރުކާރު ކުންފުނީގެ އިތުރުން، އަމިއްލަ ކުންފުންޏެއް ކަމަށްވާ ހޯކްސް އިން ވެސް ވަނީ މި ރޭޓުން ތެލުގެ އަގު ބޮޑުކޮށްފައެވެ.
ކިޔުންތެރިންގެ ހިޔާލު