އޮޑިޓަރ ޖެނެރަލް އޮފީހުގެ ސްޓްރެޓިޖިކް ޕްލޭން އިފްތިތާޙް ކޮށްދެއްވައިފި އެވެ.
މި ޕްލޭނަކީ 2026 އިން 2029 އަށް އޮޑިޓް އޮފީހުގެ މަސައްކަތްތައް ކުރިއަށްގެންދާނެ ގޮތާއި، އެ އޮފީހުން އެންމެ ބޮޑަށް ސަމާލުކަން ދޭނެ ދާއިރާތަކުގެ ތަފްސީލީ މަޢުލޫމާތު ހިމެނޭހެން އެކުލަވާލާފައިވާ މުހިންމު ޕްލޭނެކެވެ. މި މަޝްރޫޢުގެ ދަށުން އެ އޮފީހުގެ މަސައްކަތް ޒަމާނީކޮށް ތަރައްޤީކުރުމަށް ވަނީ ހަމަޖެހިފައެވެ.
މި ސްޓްރެޓެޖީ އެކުލަވާލާފައި ވަނީ ޒަމާނީ، ބަރޯސާވެވޭ އަދި ނަތީޖާ ހާސިލްކުރެވޭނެފަދަ ތަސައްވުރަކާއެކުގައި ކަމަށް އޮޑިޓަރ ޖެނެރަލް ހުސައިން ނިޔާޒީ ވަނީ ވިދާޅުވެފައެވެ. އެގޮތުން ދަރަނި ބެލެހެއްޓުމުގެ ނިޒާމް ހަރުދަނާކުރުމާއި، ތިމާވެއްޓަށް އަންނަ ބަދަލުތައް ދެނެގަތުމާއި، ސަރުކާރުގެ އާއްމު ޕޮލިސީތައް ތަންފީޒްކުރެވޭ މިންވަރު ވަޒަންކުރުމަށް މި ޕްލޭންގައި ޚާއްސަ ސަމާލުކަމެއް ދީފައިވާނެ ކަމަށެވެ.
މި ބޮޑު މަޝްރޫޢު ރަސްމީކޮށް އިފްތިތާޙް ކޮށްދެއްވީ ދިވެހިރާއްޖޭގެ ޢިއްޒަތްތެރި ޙިކްމަތްތެރި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެވެ.
ކިޔުންތެރިންގެ ހިޔާލު