މިހާރު ރާއްޖެ އަށް ކުރަމުންދާ ވިއްސާރައިގެ ސަބަބުން ނ. ހެނބަދޫގައި ފެންބޮޑުވެ ރަށުގެ ގިނަ ގެތަކަކަށް ބޮޑެތި ގެއްލުންތައް ވެއްޖެއެވެ.
އެ ރަށުން ވާހަކަދެއްވި މީހަކު ބުނިގޮތުގައި މިއަދުގެ ހެނދުނު ގިނަ އިރުތަކެއް ވަންދެން ބޯކޮށް ވާރޭ ވެހުމުގެ ސަބަބުން މުޅި ރަށުގައި ވަނީ ފެން ބޮޑުވެފައެވެ.
ގާތްގަނޑަކަށް ހެނދުނު 6:00 ހާއިރު ވެހެން ފެށިގޮތަށް ގިނަ އިރުތަކެއް ވަންދެން ވާރޭ ވެހުމުގެ ސަބަބުން ރަށުގެ އެކި ސަރަޙައްދުތަކުގައި ފެންބޮޑުވީ ކަމަށެވެ. ވިއްސާރަ ވިލާގަނޑުގައި ބޯކޮށް ވާރޭ ވެހި ބައެއް ހިސާބުތަކުގައި ދެ ފޫޓު މައްޗަށް ފެން ބޮޑުވިކަމަށް އޭނާ ބުންޏެވެ.
