ދާދި ފަހަކުން އިދިކޮޅު އެމްޑީޕީން އިންތިޒާމުކުރި ކުއްލި މުޒާހަރާއެއްގައި ރައީސް ޑރ. މުޢިއްޒުގެ ކަރިކަލުންނާ ގުޅޭގޮތުން ދެއްކި ވާހަކައެއް ކުއްވެރިކޮށް ފުލު ފުލުގައި ބަޔާންތައް ނެރެފައި ވަނިކޮށް، މަންދީ ގަޔަށް މަގުމަތިން ދިޔަ ބަޔަކު ކަޅުތެޔޮޖެހުމުން ވެސް އެކަން ކުއްވެރިކޮށްލަން ކެރުނު އެއްވެސް އިދާރާއެއް ނެތްކަމަށް ތުހުމަތު ކުރާން ފަށައިފިއެވެ.
މަންދީ އެހެން މީހަކާއެކު ގެއަށް ދިޔަ މަގުމަތީގައި ބަޔަކު ދިމާކޮށް އޭނާގެ ގަޔަށް ވަނީ ކަޅުތެޔޮ ޖަހާފައެވެ. މަންދީ އަކީ އަންހެނަކަށް ވެފައި އެފަދަ ގޮތަކަށް ހަމަލާ ދިނުމަކީ ވަރަށް ލާއިންސާނީ އަމަލެކެވެ. އަދި ފުލު ފުލުގައި ފުލުސް އޮފީހަށް ހާޒިރުކަމުން ގެންދާ ދަނޑިވަޅެއްގައި މިފަދަ ޙަމަލާއެއްގެ ޝިކާރައަކަށް އޭނާވުމީ ފުލުހުންނަށް ވެސް ފާޑުކިޔުންތައް އަމާޒުވާނެ ކަމެކެވެ. މަންދީއަށް ވެސް ރައްކާތެރިކަން ކަށަވަރުކޮށްދޭން ޖެހޭނެއެވެ.
މިހާތަނަށް ހިއުމަން ރައިޓްސް ކޮމިޝަނުން ވެސް އަދި އެހެން ކޮމިޝަނަކުން ވެސް މިކަން ކުއްވެރިކޮށްފައެއް ނުވެއެވެ. މިއީ ވެސް އާންމުންގެ ފާޑުކިޔުންތައް މުސްތަޤިއްލު ކޮމިޝަންތަކަށް އަމާޒުވާނެ ކަމެކެވެ. މިފަދަ ކަންކަން ތަކުރާރުވާން ވެއްޖެ ނަމަ، މުޖުތަމަޢުގެ ހަމަޖެހުން ގެއްލި ނުތަނަވަސްކަން އިތުރުވެދާނެއެވެ. ގޯހެއް ވާންޖެހޭނީ ގޯހަކަށެވެ.
