ސުޕްރީމް ކޯޓުގެ ތިން ފަނޑިޔާރުން ސަސްޕެންޑްކުރި މައްސަލަ އދ. ގެ ހިއުމަން ރައިޓްސްގެ ކޮމިޝަނަރާއި ޔޫރަޕިއަން ޔޫނިއަން (އީޔޫ) އަށާ ކޮމަންވެލްތަށް ވެސް ހުށަހަޅައިފި އެވެ. މިއީ ބައިނަލްއަޤުވާމީ ދުނިޔޭގައި ރާއްޖެ ފަޟީހަތްވާނެ ކަމެކެވެ.
ބައިނަލްއަޤުވާމީ އިދާރާތަކަށް އެ މައްސަލަ ހުށަހެޅުއްވީ ފަނޑިޔާރުކަމުން ސަސްޕެންޑް ކުރުމުނ އިސްތިއުފާ ދެއްވި ފަނޑިޔާރު ހުސްނުއްސުއޫދެވެ. ފަނޑިޔާރު ސުއޫދު އެދިވަޑައިގެންފައިވަނީ ރާއްޖޭގެ ޝަރުއީ ދާއިރާގެ މިނިވަންކަން ދެމެހެއްޓުމަށްޓަކައި މި މައްސަލައިގެ ތެރެއަށް ވަދެ، ފަނޑިޔާރުންނާ މެދު އަޅާފައިވާ ޣައިރު ދުސްތޫރީ ފިޔަވަޅު ބާތިލްކުރަން ސަރުކާރަށް ގޮވާލުމަށްޓަކައެވެ.
ސުއޫދު ހުށަހެޅުއްވި މައްސަލާގައި ފަނޑިޔާރުން ސަސްޕެންޑްކުރި ގޮތާއި ސުޕްރީމް ކޯޓުގެ ބެންޗު ބަދަލުކުރަން ޤާނޫނަށް ގެންނަން އުޅުނު ބޮޑު ބަދަލާ ގުޅޭ ތަފުޞީލުތައް ބަޔާންކުރައްވާފައި ވެއެވެ. އަދި ސަރުކާރުން ފިޔަވަޅުތައް އަޅާފައިވަނީ ރައްޔިތުންގެ މަޖިލީހުގެ މެންބަރުންގެ ގޮނޑިއާ މެދު ޤާނޫނު އަސާސީއަށް ގެނައި އިސްލާހު ބާތިލްކުރަން ސުޕްރީމް ކޯޓަށް ހުށަހެޅި ދުސްތޫރީ މައްސަލައިގެ ޝަރީއަތް ހުއްޓުވާލުމަށް ކަމަށް ވެސް ތުހުމަތު ކުރައްވާފައި ވެއެވެ.
ސުޕްރީމް ކޯޓުގައި ޝަރީއަތް ފެށުނު ފަހުން ކޯޓުތަކާބެހޭ ޤާނޫނަށް އިސްލާޙު ގެނައުމުގެ ނަމުގައި ސުޕްރީމް ކޯޓުގެ ފަނޑިޔާރުންގެ ބެންޗުން ދެ ފަނޑިޔާރަކު ވަކިކުރަން ލާޒިމުވާގޮތަށް ބިލެއް ހުށަހަޅައި، އަވަސް އަރުވާލައިގެން ފާސްކުރިކަން ފާހަގަ ކުރައްވައިފައި އެވެ. އަދި އަޑުއެހުމަކަށް ކުޑަތަންވެފައި ވަނިކޮށް ބިލް ފާސްކޮށް، ތިން ފަނޑިޔާރުން ސަސްޕެންޑްކުރުން ޤާނޫނު އަސާސީއާ ޚިލާފުކަމަށް ބަޔާންކޮށްފައި ވެއެވެ.
One Reply to “ސުޕްރީމް ކޯޓަށް ދަނޑިބޭނުމުގެ ސަބަބުން ބައިނަލްއަޤުވާމީ ދުނިޔޭގައި ރާއްޖޭގެ ނަން ކިލަނބުވަނީ…”
Ahmed mohamed goodluck. H.dh.kulhudhuffushi
Liun varah raglhuMi
މި ލިޔުމަށް 48 ގަޑިއިރު ހަމަވެފައި