މިހާރު ކުރިއަށް މިދަނީ ކުރިއަށް އޮތް ލޯކަލް ކައުންސިލްތަކުގެ ފޯރި ގަދަ އިންތިޚާބީ ކެމްޕެއިނުގެ މޫސުމެކެވެ. އިންތިޚާބަށް ވާދަކުރައްވާ ހުރިހާ ކެންޑިޑޭޓުން ވެސް ބުނަނީ ރައްޔިތުންނަށް އޯގާތެރިވާނެ ކަމަށެވެ. އެހެން ނަމަވެސް ބައެއް މީހުންނަށް އަދިވެސް ވޯޓުލާނެ ވަކި ފަރާތެއް ކަނޑައެޅޭނެ ގޮތެއް ނުވެއެވެ. ސަބަބަކީ، ކުރިމަތިލާފައި ތިބި ކެންޑިޑޭޓުންގެ ތެރޭގައި ހިތްހަމަޖެހޭ އެކަކުވެސް ނެތުމެވެ.
މިއީ ހަމަ ކޮންމެ މީހަކަށް ވެސް ކުރިމަތި ވެދާނެ ޙާލަތެކެވެ. ޙަޤީޤަތުގައި ވެސް ބައެއް ފަހަރު ހަމަ އެއްވެސް މީހަކު ކަމުނުދާތަން އާދެއެވެ. އެފަދަ ޙާލަތެއް މެދުވެރިވެއްޖެ ނަމަ، ޢަމަލުކުރެވިދާނެ ބައެއް ގޮތްތައް އެބަ ހުއްޓެވެ. ފުރަތަމަ ގޮތަކީ، ކުރިމަތިލާފައިވާ ކެންޑިޑޭޓުންގެ ތެެރެއިން އެންމެ ހިތްހަމަނުޖެހޭ ފަރާތްތައް ބާކީ ކޮށް، ދެން ތިބި ފަރާތްތަކަށް ވޯޓު ދިނުމެވެ. އެހެނީ ހުރިހާ ކަމެއް ފުރިހަމަ، އެއްވެސް އައިބެއްނެތް އެކަކުވެސް ނުހުންނާނެތީ އެވެ. އަދި އެބައެއްގެ މައްޗަށް އަމުރު މަޢުރޫފު ހިންގާނެ ބަޔަކު ކަނޑައެޅުމުގެ މުހިންމު ވަގުތުގައި، ބަހެއް ނުކިޔާ ހުރުމަކީ ވެސް އާޚިރު ނަތީޖާއަށް އަސަރުކުރާނެ ކަމެކެވެ.
ދެވަނަ ގޮތަކީ، ހިތްހަމަޖެހޭ އެއްވެސް މީހަކު ކުރިމަތިލާފައި ނެތް ޙާލަތެއްގައި ވޯޓުލުމުގެ ޙައްޤު ދޫކޮށްލުމެވެ. މިއީ އެންމެ ކަންނެއްގޮތް ކަމުގައި މިފަދަ ކަންކަމުގެ މުފައްކިރުންނާއި، ދިރާސާވެރިންނާއި، އިންތިޚާބާ ބެހޭ މާހިރުން އިއްތިފާޤުވެއެވެ. ނަމަވެސް، މިއީ ދުނިޔޭގެ ހުރިހާ ޤައުމެއްގައި ވެސް އެންމެ ގިނަ ބަޔަކު ބޭނުންކުރާ އިޚްތިޔާރު ކަމުގައި ވަނީ ވެފައެވެ. ވީމާ، ލޯކަލް ކައުންސިލް އިންތިޚާބަށް ކުރިމަތިލާފައިވާ ފަރާތްތަކުގެ ތެރޭގައި ހިތްހަމަޖެހޭ ހަމަ އެކަކުވެސް ނެތިއްޖެ ޙާލަތެއްގައި މި ދެންނެވި ދެގޮތުން ކުރެ ކޮންމެ ގޮތަކަށް ވެސް ޢަމަލުކުރެވިދާނެ އެވެ.
ކިޔުންތެރިންގެ ހިޔާލު